Braziliya milliy terma jamoasi bosh murabbiyi Karlo Anchelotti Jahon chempionati-2026 oldidan o‘z jamoasining imkoniyatlari va g‘alaba formulasi haqida ochiq fikr bildirdi. Italiyalik mutaxassis taʼkidlashicha, faqat hujumkor o‘yin bilan muvaffaqiyatga erishishning imkoni yo‘q.
«Braziliya oxirgi ikki Jahon chempionatida zafar quchishini nafaqat hujumdagi mahorati, balki mustahkam himoya va taktik uyg‘unlik evaziga taʼminladi. Bu tarixning o‘zi gapiradi. Boshqa yo‘l yo‘q, faqat hujumda o‘ynash yetarli emas», — dedi Anchelotti.
Murabbiy jamoa yetakchilari Rafinya va Vinini alohida taʼkidlab, ularning dunyoning eng yaxshi futbolchilari qatorida ekanini eʼtirof qildi. «Bu yigitlar Jahon chempionatida o‘zlarining eng yuqori darajadagi o‘yinlarini namoyish etishadi. Ikkalasi ham kuchli xarakter va shaxsiy uslubga ega», — dedi u.
Eslatib o‘tamiz, JCH-2026 bahslari 11 iyundan 19 iyulgacha AQSH, Kanada va Meksikadagi turli stadionlarda bo‘lib o‘tadi. Braziliya terma jamoasi ana shu xalqaro arenalarda o‘z isteʼdodini yana bir bor namoyish etishga tayyorlanmoqda.
“Zamin”ni Telegramʻda oʻqing!
