UEFA Chempionlar Ligasining chorak final dastlabki uchrashuvida Parijning PSJ jamoasi o‘z maydonida Angliyaning Liverpul klubini qabul qildi. Uchrashuv maydon egalarining to‘liq ustunligi ostida o‘tib, 2:0 hisobidagi ishonchli g‘alaba bilan yakunlandi. O‘yinning 11-daqiqasidayoq Dezire Due hisobni ochgan bo‘lsa, 65-daqiqada Xvicha Kvaratsxeliya parijliklarning ikkinchi golini urib, g‘alabani mustahkamladi.
Statistika PSJning mutlaq hukmronligini ko‘rsatmoqda: parijliklar 74% to‘p nazoratiga ega bo‘lishdi va raqib darvozasi tomon 17 ta zarba yo‘llashdi (shundan 7 tasi aniq). Liverpul esa butun o‘yin davomida raqib darvozasiga birorta ham aniq zarba bera olmadi. 733 ta pas va 93% aniqlik bilan o‘ynagan Luis Enrike shogirdlari javob o‘yini oldidan juda katta ustunlikka ega bo‘lishdi.
“Zamin”ni Telegramʻda oʻqing!
