Cadena SER jurnalisti Manu Karreno “Barselona” bosh murabbiyi Hans-Diter Flikning so‘nggi bayonotlariga nisbatan o‘z munosabatini bildirdi.
Jurnalist fikricha, nemis mutaxassisi bosim ostida asta-sekin Xavi davridagi baʼzi odatlar va reaksiyalarni takrorlashga o‘xshab bormoqda.
“Baʼzan Hansi Flik asta-sekin Xaviga o‘xshab ketayotgandek tuyuladi. Hakamlar va maydon holati haqida shikoyat qilmoqda.
Bir lahza ko‘zimni yumdim va qarshimda Xavini ko‘rdim. Birinchi o‘yindagi hakamlikdan norozilik, javob uchrashuvidagi boshqaruv haqidagi fikrlar.
‘Metropolitano‘dagi maydon holati bo‘yicha UYEFA vakillari bilan muloqot qilganini ham ko‘rdik. Bu meni hayratga soldi.
Boshqa murabbiylar uchun bu gazon oddiy holat edi, ammo Hansi Flik bundan ajablangan”, — dedi Karreno.
Jurnalistning taʼkidlashicha, “Barselona”ning o‘ziga o‘zi bosim yuklashi baʼzi hollarda jamoa foydasiga ham ishlashi mumkin.
Eslatib o‘tamiz, “Barselona” Chempionlar Ligasi chorak final javob uchrashuvida mehmonda “Atletiko”ga qarshi maydonga tushadi.
“Zamin”ni Telegramʻda oʻqing!
