Ekitikening jarohat olishi “Liverpul” rejalarini izdan chiqardi
"Liverpul" hujumchisi Ugo Ekitike PSGga qarshi o'yinda ahfill payini uzib olganligi sababli uzoq muddatga maydonlarni tark etadi. Tibbiy xulosalarga ko'ra, futbolchining tiklanish jarayoni 9 oy davom etishi mumkin, bu esa uning JCH-2026 da ishtirok etish imkoniyatini yo'qqa chiqaradi. Ushbu jarohat jamoaning o'yin rejalari va hujum chizig'iga jiddiy zarba berdi. Endilikda "Liverpul" qimmatbaho transferning o'rnini bosish masalasini hal qilishi lozim.
“Liverpul” hujumchisi Ugo Ekitike UEFA Chempionlar ligasi chorakfinali javob uchrashuvida PSJga qarshi bahsda og‘ir jarohat olib, maydonni erta tark etdi.
Futbolchi birinchi bo‘limdayoq zaxiraga olindi va uning o‘rniga Muhammad Saloh maydonga tushirildi. Bu holat jamoa rejalariga jiddiy taʼsir qildi va o‘yin dinamikasini o‘zgartirib yubordi.
L‘Équipe nashri maʼlumotiga ko‘ra, 23 yoshli fransiyalik hujumchining axill payi uzilgani aniqlangan. Tiklanish jarayoni taxminan 9 oy davom etishi mumkin, bu esa uni uzoq muddat maydondan chetlatadi.
Bu jarohat nafaqat mavsum yakuniga nuqta qo‘yadi, balki JCH-2026da ishtirok etish imkoniyatini ham yo‘qqa chiqardi. Yaʼni Ekitike uchun katta xalqaro turnir orzusi amalga oshmay qolishi ehtimoli yuqori.
Joriy mavsumda hujumchi 45 uchrashuvda maydonga tushib, 17 ta gol urgan. Uning barqaror formasi jamoa uchun muhim yutuqlar keltirgani taʼkidlanmoqda.
“Liverpul” esa futbolchini 2025 yil yozida “Ayntraxt”dan 95 million yevro evaziga safga qo‘shib olgan edi. Endi esa jamoa uning o‘rnini bosish masalasida qiyin qarorlar oldida qolmoqda.
Izohlar 0
…