“Liverpul” bosh murabbiyi Arne Slot jamoaning yozgi transfer rejalari haqida fikr bildirib, klub oldida murakkab, biroq zarur qarorlar turganini taʼkidladi.
Uning so‘zlariga ko‘ra, yangi futbolchilarni safga qo‘shish uchun avval ayrim o‘yinchilar bilan xayrlashishga to‘g‘ri keladi. Yaʼni, jamoa moliyaviy va sport rejasini muvozanatda ushlashga majbur.
“Biz avval sotishimiz kerak, shundagina yangi xaridlarni amalga oshira olamiz. Ayrim futbolchilarni esa bepul yo‘qotishga ham to‘g‘ri kelmoqda. Bu yoz biz uchun katta sinov bo‘ladi, ammo klub bunday model avval ham ishlaganini isbotlagan.
Men ko‘p marta aytganimdek, kelajak ijobiy ko‘rinadi, ayniqsa bu yozda kuchli o‘yinchilar ketganidan keyin ularning o‘rnini to‘ldirish imkoni bo‘lsa.
Hozir biz o‘tish davridamiz. Har bir klubda shunday sikl bo‘ladi — kuchli davrlar tugaydi, yangi bosqich boshlanadi. Jamoaga katta hissa qo‘shgan futbolchilar ketgan yoki ketish arafasida.
Afsuski, bu holat erkin transferlar orqali ham davom etmoqda. Muhammad Saloh, Endryu Robertson va Trent kabi futbolchilar atrofida ham shunday vaziyat kuzatilmoqda. Klub esa yangi sarmoya qilish uchun avval kirimni taʼminlashi kerak.
O‘tgan mavsum ham oson bo‘lmagan — yangi o‘yinchilarni olish uchun bir nechta futbolchini sotishga to‘g‘ri kelgan,” — dedi Slot.
Futbolda bu tabiiy jarayon — bir eshik yopilsa, boshqasi ochiladi. “Liverpul” uchun ham yangi davr aynan shu yerdan boshlanishi mumkin.
“Zamin”ni Telegramʻda oʻqing!
