Rashfordning yordami bilan "Barselona" "Osasuna"ni 2:1 hisobida yengdi
"Barselona" Ispaniya chempionatida "Osasuna"ni 2:1 hisobida mag'lub etdi. Uchrashuvning ikkinchi bo'limida maydonga tushgan Markus Rashford jamoaning g'alabasiga katta hissa qo'shdi. U 81-daqiqada Robert Levandovski uchun aniq uzatma berdi, keyin esa Ferran Torres ikkinchi golni kiritdi. Ushbu natijadan so'ng, "Barselona" turnir jadvalida yetakchilikni mustahkamladi va "Real Madrid"ning keyingi turda ochko yo'qotishi bilan chempionlikni qo'lga kiritish imkoniyatiga ega.
"Barselona" Ispaniya chempionati doirasida "Osasuna" ustidan 2:1 hisobida g'alaba qozondi. Uchrashuvning ikkinchi bo'limida zaxiradan maydonga tushgan Markus Rashford jamoa g'alabasiga katta hissa qo'shdi. Bu haqda Goal.com xabar beradi.
O'yinning 81-daqiqasida Rashfordning aniq uzatmasidan so'ng Robert Levandovski bosh bilan zarba berib, hisobni ochdi. Oradan ko'p o'tmay, zaxiradan o'yinga qo'shilgan Ferran Torres jamoasining ikkinchi golini kiritdi.
"Osasuna" asosiy vaqt tugashiga ikki daqiqa qolganida Raul Garsiyaning goli evaziga hisobni qisqartirdi. Ammo Xansi Flik shogirdlari g'alabani saqlab qolishga muvaffaq bo'lishdi.
Ushbu natijadan so'ng "Barselona" turnir jadvalida peshqadamlikni mustahkamladi. Agar "Real Madrid" navbatdagi turda ochko yo'qotsa, kataloniyaliklar muddatidan avval chempionlikni qo'lga kiritadi.
Aks holda, jamoa kelasi haftada "Kamp Nou" stadionida bo'lib o'tadigan "El Klasiko"da o'z muxlislari qarshisida chempionlikni nishonlash imkoniyatiga ega bo'ladi.
Izohlar 0
…