Bukayo Saka tomonidan kiritilgan yagona gol Arsenal jamoasini 20 yillik tanaffusdan soʻng ilk bor Chempionlar ligasi finaliga olib chiqdi. Londonda oʻtgan keskin va murosasiz kechgan javob uchrashuvida Mikel Arteta shogirdlari Atletiko Madrid ustidan 1:0 hisobida gʻalaba qozonib, ikki oʻyin natijasiga koʻra final yoʻllanmasini qoʻlga kiritdi. Bu haqda Goal.com xabar beradi.
Oʻyinning birinchi boʻlimi yakunlanishiga bir daqiqa qolganida, Leandro Trossardning zarbasidan soʻng Jan Oblak toʻpni qoʻlidan chiqarib yubordi. Vaziyatdan unumli foydalangan Bukayo Saka yaqin masofadan darvozani ishgʻol qilib, Emirates stadioniga yigʻilgan muxlislarni xushnud etdi.
Ikkinchi boʻlimda Atletiko Madrid hisobni tenglashtirish uchun bosimni oshirdi. William Salibaning xatosidan soʻng Giuliano Simeone qulay imkoniyatga ega boʻldi, biroq u David Rayani aldab oʻtganiga qaramay, gol ura olmadi. Natijada, Arsenal oʻz tarixidagi ilk Yevropa kubogi finali sari dadil qadam tashladi.
“Zamin”ni Telegramʻda oʻqing!
