MLS doirasidagi FC Cincinnati va Inter Miami oʻrtasidagi oʻyin haqiqiy golli shouga aylandi. Uchrashuv davomida ikki bor hisobda ortda qolgan mehmonlar, yakunda Lionel Messi boshchiligidagi hujumkor oʻyin evaziga 5:3 hisobida gʻalabani tantana qilishdi. Bu haqda Goal.com xabar beradi.
Lionel Messi uchrashuv qahramoniga aylandi. Argentinalik futbolchi nafaqat uchta gol urdi, balki jamoadoshiga golli uzatma ham amalga oshirdi. Mezbonlar safida Kevin Denkey, Pavel Bucha va Evander oʻz nomlarini tabloga yozdirib qoʻyishgan boʻlsa-da, himoyadagi xatolar ularga qimmatga tushdi.
Oʻyinning 55-daqiqasida Messi hisobni tenglashtirgan boʻlsa, keyinchalik Mateo Silvetti va German Berterame ham oʻz gollarini kiritishdi. 89-daqiqada esa Messi oʻzining uchinchi golini urib, yakuniy nuqtani qoʻydi va jamoasiga muhim uch ochkoni taqdim etdi.
Inter Miami bu mavsumda himoyada muammolarga duch kelayotgan boʻlsa-da, hujum chizigʻidagi mahorat evaziga raqiblarini taslim etishda davom etmoqda. Bunday oʻyin uslubi har doim ham barqaror natija bermasligi mumkin, ammo Messi maydonda boʻlgan vaqtda jamoa istalgan raqib darvozasiga koʻp gol urishga qodir.
“Zamin”ni Telegramʻda oʻqing!
