Manchester Siti tarbiyalanuvchisi Fil Foden jamoa bilan yangi shartnoma imzolash arafasida turibdi. 25 yoshli futbolchi mavsumning ikkinchi qismida o'yin amaliyoti bilan bog'liq qiyinchiliklarga duch kelganiga qaramay, klubda qolishga va sabr bilan o'z imkoniyatini kutishga qaror qildi. Bu haqda Goal.com xabar beradi.
Yangi kelishuvga ko'ra, Foden 2030-yilgacha Etihad stadionida qoladi va shartnomani yana bir yilga uzaytirish imkoniyati ham mavjud. Bu transfer mish-mishlariga chek qo'yib, futbolchining jamoaga bo'lgan sodiqligini yana bir bor tasdiqladi.
Foden o'z intervyusida jamoaviy o'yinchi ekanligini va Pep Guardiola qo'l ostida har qanday vaziyatda yordam berishga tayyorligini ta'kidladi. U mavsum davomida barqarorlik yetishmagan bo'lsa-da, mashg'ulotlarda qattiq ishlashda davom etayotganini bildirdi.
Ayni damda Manchester Siti Angliya Premer-ligasi chempionligi uchun Arsenal bilan keskin kurash olib bormoqda. Oldinda jamoani Chelsi bilan Angliya Kubogi finali hamda chempionatning hal qiluvchi o'yinlari kutib turibdi.
“Zamin”ni Telegramʻda oʻqing!
