Robert Lewandowski Barselonani tark etmoqchi: bunga Lionel Messi va Cristiano Ronaldo sababmi?
Robert Lewandowski yozgi transfer oynasida Barselona bilan xayrlashishga qaror qildi. Polshalik tajribali hujumchi o‘zini jamoaning asosiy figurasidek his qiladigan va doimiy o‘yin amaliyotiga ega bo‘ladigan yangi manzil izlamoqda. Hansi Flick qo‘l ostida bu mavsumda u ko‘pincha zaxirada qolib ketayotgani futbolchining qaroriga ta’sir ko‘rsatdi. Bu haqda Goal.com xabar beradi.
Ma’lum bo‘lishicha, Lewandowski o‘z qarorini qabul qilishda Lionel Messi va Cristiano Ronaldoning faoliyatiga qarab ish tutmoqda. U Inter Miami va Al-Nassr safida hamon yetakchi bo‘lib qolayotgan bu ikki afsonani ko‘rib, o‘zi ham katta futbolning markazida qolishni istaydi. U zaxira o‘rindig‘ida o‘tirishni mutlaqo istamaydi.
Polsha terma jamoasi bosh murabbiyi Jan Urbaning o‘g‘li Piotr Urban bu borada shunday deydi: "Robert Ispaniyada barchasiga ega: ajoyib klub, go‘zal shahar va obro‘. Biroq u Messi va Ronaldoning o‘z klublarida hamon eng yaxshi darajada o‘ynayotganini ko‘rib, o‘z ambitsiyalaridan voz kechishni istamayapti. U uchun asosiy tarkibda bo‘lish har qanday puldan muhimroq".
Statistikaga ko‘ra, Lewandowski joriy mavsumda La Liga doirasidagi 29 ta o‘yinning atigi 15 tasida asosiy tarkibda maydonga tushgan. Bu holat futbolchining o‘ziga bo‘lgan ishonchini va maqomini pasaytirmoqda. Shu sababli, u Barselonadan ketishni o‘zi istayotgani va bu qaror sport ambitsiyalari bilan bog‘liqligi ta’kidlanmoqda.
Hozirda Lewandowski uchun MLS va Saudiya Pro ligasidan qiziqarli takliflar mavjud. Hujumchi o‘zini jamoaning birinchi raqamli hujumchisi deb biladigan loyihani tanlashga ustuvorlik bermoqda. Barselona esa yoshartirish jarayonini boshlagani bois, polshalik yulduz bilan xayrlashishga tayyor bo‘lishi mumkin.
“Zamin”ni Telegramʻda oʻqing!
