Chelsi jamoasining vaqtinchalik bosh murabbiyi Calum McFarlane klubning yangi bosh murabbiyi etib tayinlangan Xabi Alonso bilan bog‘liq xabarlarni tasdiqladi. Angliya kubogi finalida Manchester Siti jamoasidan uchralgan mag‘lubiyatga qaramay, jamoa ichida yangi murabbiyning kelishi katta qiziqish uyg‘otmoqda. Bu haqda Goal.com xabar beradi.
McFarlane matbuot anjumanida Xabi Alonso bilan xabar almashganini ma’lum qildi. Uning so‘zlariga ko‘ra, ispaniyalik mutaxassis yakshanba kuni unga SMS yuborgan, biroq suhbat tafsilotlari sir saqlanmoqda. Alonso rasman iyul oyida ish boshlaydi.
Chelsi futbolchilari yangi murabbiyning taktik g‘oyalari va boy tajribasidan juda umidvor. McFarlane jamoa a’zolari Xabi Alonsoni hurmat qilishini va u bilan ishlashni intiqlik bilan kutayotganini ta’kidladi.
Vaqtinchalik murabbiyning fikricha, mavsumdagi qiyinchiliklarga qaramay, Chelsi dunyoning eng yaxshi murabbiylarini jalb qila oladigan darajadagi buyuk klub bo‘lib qolmoqda. Alonso jamoa tarkibidagi iqtidorli futbolchilar bilan yangi muvaffaqiyatlarga erishishni maqsad qilgan.
“Zamin”ni Telegramʻda oʻqing!
