Bugun “Manchester Siti” Angliya Premer-ligasining navbatdagi muhim uchrashuvida safarda “Bornmut” bilan kuch sinashadi. Mavsumning hal qiluvchi pallasida o‘tadigan ushbu bahs oldidan bir qator mashhur sport portallari “shaharliklar”ning ehtimoliy boshlang‘ich tarkibini taxmin qildi.
Quvonarlisi, deyarli barcha manbalar O‘zbekiston milliy jamoasi himoyachisi Abduqodir Husanovni asosiy tarkibda ko‘rmoqda. Bu esa 22 yoshli futbolchining “Manchester Siti” himoya chizig‘idagi o‘rni tobora mustahkamlanib borayotganini yana bir bor ko‘rsatadi.
“Sports Evening Standard” versiyasiga ko‘ra, “Siti” quyidagi tarkibda maydonga tushishi mumkin:
Donnarumma, Nunesh, Husanov, Gexi, O'Rayli, Rodri, Bernardu, Sherki, Foden, Doku, Xoland.
“Sports Mole” talqinida esa Foden o‘rnida Semenyo bor:
Donnarumma, Nunesh, Husanov, Gexi, O'Rayli, Rodri, Bernardu, Sherki, Semenyo, Doku, Xoland.
“Manchester Evening News” ham shunga yaqin tarkibni taxmin qilmoqda:
Donnarumma, Nunesh, Husanov, Gexi, O'Rayli, Rodri, Bernardu, Sherki, Semenyo, Doku, Xoland.
“Sports Illustrated” nashri esa futbolchilarni 4-2-3-1 sxemasida quyidagicha joylashtirgan:
Donnarumma, O'Rayli, Gehi, Husanov, Nunesh, Rodri, Silva, Doku, Sherki, Semeno, Holand.
Ko‘rinib turibdiki, portallar ayrim pozitsiyalar bo‘yicha turlicha fikr bildirmoqda. Masalan, hujumkor yarim himoyada Foden yoki Semenyo varianti tilga olingan. Ammo himoya markazida Husanovning nomzodi deyarli barcha taxminlarda bor.
Bu o‘zbekistonlik futbolchi uchun katta ishonch belgisi. Chunki “Bornmut” o‘z maydonida oson raqib emas. Jamoa tezkor hujumlar, yuqori pressing va jismoniy kurash orqali raqiblarga muammo tug‘dira oladi. Bunday o‘yinda markaziy himoyachilardan maksimal konsentratsiya va sovuqqonlik talab etiladi.
Husanov so‘nggi vaqtlarda “Manchester Siti” safida barqaror o‘yinlari bilan ajralib turibdi. U himoyadagi qat’iyati, to‘p bilan xotirjam harakati va raqib hujumlarini oldindan o‘qiy olishi bilan mutaxassislar e’tiborini qozonmoqda.
Qisqasi, “Bornmut”ga qarshi bahs oldidan mashhur portallar Abduqodir Husanovni asosiy tarkibda kutmoqda. Bu oddiy taxmin emas, balki uning “Siti” tizimida muhim figuraga aylanayotganining yana bir belgisi. Endi hammasi maydonda hal bo‘ladi: Husanovga ishonch bor, muxlislarda esa katta umid.
“Zamin”ni Telegramʻda oʻqing!
