«Yuventus» ketma-ket uchinchi marta Italiya kubogida zafar quchdi

Italiya kubogining final uchrashuvi bo‘lib o‘tdi. Rimdagi «Olimpiko» stadionida bo‘lib o‘tgan uchrashuvda «Yuventus» va «Lasio» jamoalari kuch sinashdi.

Uchrashuvning 12-daqiqasida o‘ng qanot himoyachisi Dani Alvesh chap qanot himoyachisi Aleks Sandro tomonidan etkazib berilgan to‘pni golga aylantirdi. 24-daqiqada yana o‘sha Sandroning uzatmasidan so‘ng Leonardo Bonuchchi arqni ikkitaga oshirdi. Birinchi bo‘limning qolgan daqiqalari va ikkinchi bo‘limda boshqa gol kiritilmadi.

Natijada «Yuventus» ketma-ket 3-marta, umumiy bo‘lib 12-marta Italiya kubogida zafar quchdi. «Lasio» esa so‘nggi uch yilda ikkinchi marta finalga yo‘l olib, ikki marta ham «Yuventus»ga imkoniyatni boy berdi.
“Zamin”ni Telegramʻda oʻqing!