JCh-2018 turniriga saralash bosqichi Osiyo qit’asining “A” guruhi 8-turidan o‘rin olgan yana bir uchrashuv yakuniga etdi. Unda Qatar va Janubiy Koreya terma jamoalari maydonga tushishdi.
Birinchi bo‘lim o‘rtalarida Hasan Al-Haydos mezbonlarni oldinga olib chiqqan gol muallifiga aylandi. Ikkinchi bo‘lim Qatarning hujumlari bilan boshlandi va bu hujumlar 51-daqiqada o‘z samarasini berdi, mezbonlarning ajoyib tashkillashtirgan kombinasiyalarini Akrom Afif chiroyli gol bilan yakunladi.
Uchrashuvning 62-daqiqasida mehmonlar hisobni qisqartirishga erishdilar, o‘ng qanotdan oldinga o‘tgan koreyalik futbolchi to‘pni markazga uzatdi, Ki Song Yo‘ng uni to‘xtatib o‘tirmay darvozaga yo‘lladi va jamoasining ilk goliga mualliflik qildi.
70-daqiqa o‘tib borayotgan bir vaqtda mehmonlar yana o‘ng qanotdan hujum tashkillashtirdilar, jarima maydoniga uzatilgan to‘pni Hvan Il Su sherigi Hvan Hi Changa tashlab berdi va hujumchi mo‘ljalda adashmadi.
Biroq oradan to‘rt daqiqa o‘tib, mezbonlar tezkor hujum tashkillashtirdilar, Tabata Hasan Al-Haydosni darvozabon bilan birga-bir vaziyatga chiqardi. Qatarlik hujumchi esa o‘z imkoniyatidan unumli foydalandi.
Shu tariqa Qatarning ushbu g‘alabasidan so‘ng guruhdagi vaziyat chigallashdi. Qatar (7 ochko) Xitoyni ortda qoldirib beshinchi o‘ringa ko‘tarilib oldi, Janubiy Koreya esa 13 ochko bilan ikkinchi o‘rinda qoldi. Ushbu natija O‘zbekiston terma jamoasi foydasiga ishladi va JCh-2018 musobaqasiga to‘g‘ridan-to‘g‘ri chiqish imkoniyatlari saqlanib qoldi.
JCh-2018, Osiyo qit’asi
Qatar - Janubiy Koreya 3:2
Gollar: 1:0 – 25 Al-Haydos, 2:0 – 51 Afif, 2:1 – 62 Ki Son En, 2:2 – 70 Xvan Xi Chxan, 3:2 – 74 Xalid.
Qatar: Saad Al-Shiib, Muhammad Musa, Abdulkarim Hassan, Muhammad Kasola, Ali Asadulla, Hasan Al-Haydos, Ibrohim Majid, Pedro Soria, Bualim Xouxi, Akram Afif, Rodrigo Tabata.
Janubiy Koreya: Kvon Sun Txe, Kim Jin Su, Kvon Te Xve, Jang Hven Su, Chhvo Chol Sun, Han Kuk Eng, Son Hin Min, Ki Song Yo‘ng, I Je Song, Ji Dong Von, Hvan Hi Chan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
