21:47 / 25.08.2017
5 798

Ro‘ziqul Berdiyev Prezident farmoniga ko‘ra davlat mukofoti bilan taqdirlandi

Ro‘ziqul Berdiyev Prezident farmoniga ko‘ra davlat mukofoti bilan taqdirlandi
O‘zbekiston Respublikasi mustaqilligining yigirma olti yilligi munosabati bilan bir qator soha xodimlari Prezident Shavkat Mirziyoyev farmoniga ko‘ra faxriy unvonlar va ordenlar bilan taqdirlandi. Bu haqda O‘FF matbuot xizmati xabar bermoqda.

Ular orasida O‘zbekistonda 2016 yilning eng yaxshi murabbiyi deb topilgan “Nasaf” futbol klubi bosh murabbiyi Ro‘ziqul Berdiyev ham bor. 45 yoshli mutaxassis “O‘zbekiston Respublikasida xizmat ko‘rsatgan sport ustozi” faxriy unvoni bilan taqdirlandi.

Ma’lumot uchun, Ro‘ziqul Berdiyev 2008–2011 yillarda “Nasaf” murabbiylar shtabida assistent, 2012 yildan buyon esa bosh murabbiy lavozimida ishlab kelmoqda. Ro‘ziqul Berdiyev Qarshi klubi ishlab kelayotganidan buyon jamoa bir marta mamlakat vitse-chempioni (2011), 6 karra bronza medali sohibi (2009, 2010, 2013, 2014, 2015, 2016), O‘zbekiston Kubogi (2015) va Superkubogi (2016) g‘olibi hamda OFK Kubogi (2011) sohibi bo‘lgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Ro‘ziqul Berdiyev Prezident farmoniga ko‘ra davlat mukofoti bilan taqdirlandi