JCh–2018 turniriga saralash bosqichi “A” guruhi 9-turidan o‘rin olgan Xitoy – O‘zbekiston uchrashuvi oldidan o‘tkazilgan matbuot anjumanida mezbonlar ustozi Marchello Lippi va jamoa sardori Jeng Zi o‘z fikrlarini bildirib o‘tdi.
“JCh saralash bosqichining so‘nggi ikki o‘yiniga jiddiy tayyorgarlik ko‘rdik. O‘quv-mashg‘ulotlar yig‘inida barcha futbolchilar o‘z imkoniyatini namoyish etdi. Shogirdlarimda g‘alabaga bo‘lgan chanqoqlikni ko‘ryapman. Guruhdagi holatimiz yaxshi emas, ammo ertaga biz uchun so‘nggi imkoniyat.
O‘zbekiston terma jamoasi JChga chiqish uchun bizdan ko‘ra yaxshiroq imkoniyatga ega ekanini bilamiz. Ammo biz ertaga ustunlikni qo‘lga olib, taktik o‘yinimiz orqali g‘alabaga erishishga harakat qilamiz.
O‘zbekistonga qarshi o‘yin oldidan hayajondamanmi? Yo‘q, axir men professional murabbiyman. Xitoy termasi kundan kunga taktik jihatdan kuchayib bormoqda va men bundan mamnunman. Birgina narsadan qoniqish hosil qilmayapman – bu Xitoy termasining jahon reytingidagi o‘rnidan. Ishonchim komil, jamoa yaxshiroq natija qayd eta oladi va o‘zimizga bo‘lgan ishonch bunga yordam beradi”, – dedi italiyalik mutaxassis.
“Ertaga uyimizdagi oxirgi uchrashuvni o‘tkazamiz. Barchamiz ushbu o‘yinni sabrsizlik bilan kutdik. Ortda qolgan 8 uchrashuvda baland-paslarni boshdan kechirdik. Saralash bosqichidagi o‘yinlarning hech biri oson o‘tmadi. Nima bo‘lganda ham, ertaga g‘alaba uchun maydonga tushamiz”, – dedi 37 yoshli Jeng Zi.
Eslatib o‘tamiz, Xitoy – O‘zbekiston uchrashuvi ertaga, 31 avgust kuni Toshkent vaqti bilan soat 17:00 da boshlanadi.
Manba: www.the-uff.com “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi