O‘zbekistonda imkoniyat bor - OFK 5 sentyabr kuni o‘tkazilgan shubhali o‘yinlar bo‘yicha surishtiruv o‘tkazadi

Osiyo futbol konfederatsiyasi 5 sentyabr kuni o‘tkazilgan JCh-2018 saralashi o‘yinlaridagi ehtimoliy qoidabuzarliklar bo‘yicha surishtiruv boshladi.

Ayni paytda OFK o‘yinlar bilan bog‘liq hujjatlarni to‘plash bilan shug‘ullanmoqda. Tashkilot bayonotida yozilishicha, OFK barcha masalalarda FIFA bilan hamkorlik qiladi va zarur hujjatlarni yetkazib beradi.

OFK qaysi o‘yinlarda qanday qoidabuzarlik bo‘lgani haqida ochiq ma’lumot bermagan.

Biroq, mutaxassislarda Eron - Suriya (2:2) va Saudiya Arabistoni - Yaponiya (1:0) o‘yinlari yuzasidan ba’zi savollar tug‘ilgan.

Xususan, Eron terma jamoasi shu paytgacha guruhda birorta gol o‘tkazib yubormagani holda, jangovar tarkibda maydonga tushsa-da, Suriyadan 2ta gol qo‘yib yuborgan. Ulardan biri, O‘zbekiston - Janubiy Koreya o‘yini tugashi bilanoq urilgan. Natijada, Suriya guruhda uchinchi o‘rinni ilib ketgan. Qizig‘i shundaki, har ikkala terma jamoa futbolchilarining vaqt cho‘zishi oqibatida, bosh hakam o‘yinga 7 daqiqa qo‘shib bergan. Bu vaqt mobaynida O‘zbekiston - Janubiy Koreya o‘yini tugab bo‘lgan. Shundan so‘ng, Suriya o‘ziga kerakli golni Eron darvozasiga urgan.

Saudiya Arabistoni - Yaponiya o‘yinida, ikkinchi bo‘limda hisob ochilganidan so‘ng, mehmonlar qarshilikni to‘xtatgan. Natijada, Saudiya kerakli hisobni ushlab qolib, Avstraliyadan o‘zib ketgan va JCh yo‘llanmasiga ega bo‘lgan.

Eslatib o‘tamiz, 5 sentyabr kuni quyidagi o‘yinlar o‘tkazilgandi:
Avstraliya - Tailand - 2:1
Iroq - BAA 1:0
O‘zbekiston - Janubiy Koreya 0:0
Eron - Suriya 2:2
Qatar - Xitoy 1:2
Saudiya Arabistoni - Yaponiya 1:0

Manba: stadion.uz “Zamin” yangiliklarini “Vkontakti”da kuzatib boring