Avvalroq, O‘zbekiston Oliy Ligasining 23-turidan o‘rin olgan “Navbahor” (Namangan)–“Paxtakor” (Toshkent) uchrashuvidan keyin o‘tkazilgan matbuot anjumanida muxlislar va rasmiy vakillar o‘rtasida mojaro yuz bergani haqida xabar bergandik.
O‘yin 1 oktyabr kuni o‘tkazilganini hisobga olgan holda bugunga qadar ushbu nohush vaziyat bo‘yicha hali biror tashkilot rasmiy xabar bermagandi. Bugun, 3 oktyabr kuni O‘zPFL tashkiloti mazkur mojaro tufayli “Navbahor” PFKga nisbatan intizomiy chora qo‘lladi.
“Taqdim etilgan videolavha va har ikki klubning matbuot kotiblaridan olingan tushuntirish xatiga asosan, Chempionat reglamentining Tartib-intizom kodeksi 5-modda, 1-bo‘lim, 5.9 punkti hamda 5-modda, 4-bo‘lim, 5.57 punktiga ko‘ra “Navbahor” PFK 10 million so‘m miqdorida jarimaga tortildi va shunga o‘xshash holat takrorlansa yanada qattiqqo‘l choralar qo‘llanishi haqida ogohlantirildi.
Shuningdek, “Navbahor” PFK Matbuot kotibi Shavkat Sodiqov va xavfsizlik bo‘yicha ofitser Rahmonov Bahodirning egallab turgan lavozimi ko‘rib chiqilishi kerakligi haqida qaror chiqarildi”, deyiladi rasmiy xabarda.
Eslatib o‘tamiz, matbuot anjumanida muxlislar “Paxtakor” bosh murabbyi Shota Arveladzega provakatsion tarzdagi savollar berishgan, keyin bu vaziyatga “Paxtakor” Matbuot kotibi Bekzod Nazarov aralashgan. Shundan so‘ng muxlislar Bekzodga e’tiroz bildirib, unga “ovozingni o‘chir” kabi qo‘pol so‘zlarni aytgan.
Ma’lumot uchun, mazkur holat bo‘yicha yozilgan videolavha hamda batafsil tafsilotlarni biroz avval saytimiz sahifasiga joylashtirgandik.
Manba: Qalampir.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi