Bugun Yevropa Ligasining 1/8 final bosqichiga qur’a tashlash marosimi bo‘lib o‘tadi

Bugun — 23 fevral kuni Yevropa Ligasining 1/8 final bosqichiga yo‘l olgan futbol klublari o‘zining navbatdagi raqibini bilib oladi.

Kuni kecha barcha juftliklar 1/16 final bosqichidagi ishtiroklarini yakunladilar. Musobaqaning nimchorak finaliga yo‘l olgan jamoalar bilan tanishing:

SSKA, “Lokomotiv”, “Zenit” (barchasi – Rossiya), “Latsio”, “Milan”, (ikisi – Italiya), “Atletiko”, “Atletik” (ikkisi – Ispaniya), “RB Leypsig”, “Borussiya” D (ikkisi – Germaniya), “Lion”, “Marsel” (ikkisi – Fransiya), “Arsenal” (Angliya), “Sporting” (Portugaliya), “Dinamo” K (Ukraina), “Red Bull” (Avstriya), “Viktoriya” (Chexiya).

Qur’a tashlash marosimi bizning vaqt bilan 17:00da boshlanadi. Ushbu marosimni Futbol TV telekanali orqali tomosha qilishingiz mumkin.

1/8 final bosqichining ilk o‘yinlari 8 mart kuni o‘tkazilsa, javob bahslari 15 mart kuniga belgilangan.

Ma’lumot o‘rnida, siyosiy kelishmovchiliklar tufayli Rossiya va Ukraina jamoalaridan iborat juftlik hosil qilinmaydi. Ya’ni keyingi bosqich masalasini hal qilgan Kiyevning “Dinamo”si SSKA, “Lokomotiv” va “Zenit” klublari bilan o‘ynamaydi.

Manba: www.uff.uz “Zamin” yangiliklarini “Vkontakti”da kuzatib boring