Yevropa Chempionlar ligasi chorak final javob bahsidan o‘rin olgan «Manchester Siti» – «Liverpul» uchrashuvi o‘z nihoyasiga yetdi. «Etihad» stadionida bo‘lib o‘tgan bahsda mehmonlar 2:1 hisobidagi g‘alabani qo‘lga kiritdilar.
Uchrashuvning 2-daqiqasida Virgil van Deyk to‘pni qaytarishda xatoga yo‘l qo‘ydi, shundan so‘ng uni egallab olgan Fernandino jamoasining hujumini boshladi. O‘ng qanotdan tezlik olgan Raxim Sterling to‘pni jarima maydoniga uzatdi va Gabriel Jesus esa aniq zarbasi bilan mezbonlarni oldinga olib chiqdi.
Shundan so‘ng «Manchester Siti» ketma-ket hujumlar uyushtira boshladi, biroq mersisaydliklaring chuqur himoyasini yorib o‘tish «shaharliklar»ga nasib etmadi. Tanaffusgacha bir qator bahsli vaziyatlar va keskin holatlar yuzaga keldi.
Ikkinchi bo‘limni ham hujumkor boshlagan mezbonlar 56-daqiqada qarshi hujumni o‘tkazib yubordilar: Sadio Mane raqib jarima maydoniga yorib kirdi biroq unga Ederson xalal berib qoldi, darvozabondan qaytgan to‘p Muhammad Salohga kelib tushdi. Misrlik hujumchi esa sovuqqonlik bilan to‘pni himoyachi ustidan oshirib gol urdi va amalda o‘yin intrigasini so‘ndirib qo‘ydi.
77-daqiqada Nikolas Otamendining xatosidan foydalangan Roberto Firmino mersisaydliklarning ikkinchi golini urdi.
Shu tariqa, Yurgen Klopp shogirdlari ikkinchi o‘yinda ham «Manchester Siti»ni taslim etishdi va yarim finalga yo‘l olishdi.
YeChL, Chorak final
Manchester Siti Angliya – Liverpul Angliya 1:2 (1:0, 0:2)
Gollar: 1:0 – 2 Gabriel Jezus, 1:1 – 56 Salax, 1:2 – 77 Firmino.
Manchester Siti – Ederson, Uoker, Otamendi, Laport, Fernandino, Silva (Aguero, 66), de Bryuyne, Sterling, Bernardu Silva (Gyundogan, 74), Sane, Gabriel Jezus.
Liverpul – Karius, Lovren, Robertson, Aleksander-Arnold (Klayn, 81), van Deyk, Firmino (Klavan, 81), Oksleyd-Chemberlen, Salax (Ingz, 89), Veynaldum, Mane, Milner.
Ogohlantirishlar: Ederson (14), Mane (14), Aleksander-Arnold (29), Bernardu Silva (30), Firmino (35), van Deyk (65).
Ilk o‘yin: 0:3.
Manba: www.uff.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Gulistonda Nexia avtomashinasining gaz balloni portlab ketdi (video)
Dunyodagi eng tez superkar konsepsiyasi ishlab chiqildi (video)
Makronni Rossiya raketalari qo‘rqitib yubordi
Organizmda gormonlar bilan bog‘liq muammo borligini bildiradigan simptomlar
Kanchelskis O‘zbekiston va Qozog‘iston futbolini taqqosladi: "Ular juda oldinlab ketishgan"
Tbilisida noma’lum shaxslar namoyishchilarga hujum qildi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Sodiq Xon uchinchi bor London meri etib saylandi