JCH-2018 musobaqasi 1/8 finalidan o‘rin olgan Kolumbiya hamda Angliya terma jamoalari o‘rtasidagi o‘yin o‘z nihoyasiga yetdi. “Otkrыtiye Arena”da bo‘lib o‘tgan o‘yinda inglizlarning qo‘li baland keldi.
Birinchi bo‘lim Angliya termasining kichik ustunligida o‘tdi va keskin hujumlarga boy bo‘lmadi. Tanaffusgacha darvozalar oldida yaqqol golga tortadigan vaziyatlar deyarli sodir etilmadi.
Ikkinchchi bo‘lim esa ancha keskin kurashlarga boy bo‘ldi. 57–daqiqada Karlos Sanches o‘z jarima maydoni ichida Xarri Keynni qo‘pollik bilan to‘xtatib qoldi. Natijada belgilangan penaltini Keynning o‘zi aniq bajarib, jamoasini oldinga olib chiqdi.
Barchasi inglizlarning g‘alabasi tomon ketayotgan bir vaqtda kolumbiyaliklar hakam tomonidan qo‘shib berilgan vaqtda hisobni tenglashtirishga erishdilar: Yerri Mina burchakdan uzatib berilgan to‘pni boshi bilan darvozaga aniq yo‘lladi va muvozanatni tiklashga erishdi.
Shu tariqa, o‘yinning asosiy qismida durang natija qayd etildi va qo‘shimcha bo‘limlar belgilandi. Qo‘shimcha bo‘limlarda ham hisob o‘zgarmadi va barchasi penaltilar seriyasida hal qilinadigan bo‘ldi. Futbol lotoreyasida omad Angliyaga kulib boqdi.
Angliya ushbu g‘alabadan so‘ng chorak finalga yo‘l oldi va u yerda Shvetsiya termasi bilan kuch sinashadi.
JCH-2018
1/8 final
Kolumbiya – Angliya 1:1 (0:0, 1:1, 0:0, 0:0) (pen. 3:4)
Gollar: 0:1 – 57, penalti Keyn, 1:1 – 90+4 Mina.
Kolumbiya – Ospina, Mina, Moxika, Aryas (Sapata, 116), Sanches, Lerma (Bakka, 62), Sanches (Uribe, 79), Kuadrado, Barrios, Kintero (Muriel, 88), Falkao.
Angliya – Pikford, Uoker (Reshford, 113), Stounz, Yang (Rouz, 102), Maguayr, Alli (Dayer, 81), Lingard, Sterling (Vardi, 88), Xenderson, Trippyer, Keyn.
Ogohlantirishlar: Barrios (41), Aryas (52), Sanches (54), Xenderson (56), Falkao (63), Bakka (64), Lingard (69), Kuadrado (118).
Manba: www.uff.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Peterburgda yong‘in vaqtida odamlarni qutqargan o‘zbekistonlikka surat sovg‘a qilindi
Qodirovning 16 yashar o‘g‘li Putin nomidagi Rossiya maxsus kuchlari universiteti kuratori bo‘ldi
Sensatsiya! Afg‘oniston futzal bo‘yicha jahon chempionatiga chiqdi!
Vadim Abramov: "Vazifamiz keyingi bosqichga chiqish edi, afsuski, buni uddalay olmadik"
Saidjamshid Ja’farov qozog‘istonlik raqibini mag‘lub etib, IBA Asia kamarini qo‘lga kiritdi
“Kalyari” Shomurodov bo‘yicha bir qarorga keldi
Telegram Ukraina «GUR»ning «razvedka boti»ni blokladi