Pepsi Superligasi 20-turidan o‘rin olgan “Bunyodkor” – “Qo‘qon-1912” uchrashuvidan keyin o‘tkazilgan matbuot anjumanining birinchi qismida jamoamiz ustozi No‘’mon Hasanov ishtirok etdi.
– “Bunyodkor” juda yaxshi shakllangan jamoa hisoblanadi. Shuning uchun bugungi g‘alabani kutilmagan deyish mumkin. “Qaldirg‘ochlar”ning o‘rta chizig‘ida Ibrohimov, Sobirxo‘jayev va Haydarov singari tajribali futbolchilar harakat qilishi meni qo‘rqitgandi. Bugungi o‘yinda asosan ushbu futbolchilarni yopishga harakat qildik. Mashg‘ulotlarda ham shu ustida alohida ishlagandik. Bu ishni uddalaganimizdan xursandman.
Umuman o‘yin va natija uchun futbolchilarimga minnatdorchilik bildiraman. Bugun Iqbol Malikjonovning raqib hujumlarini buzishda, markazda ustunlikka erishishimizda xizmati katta bo‘ldi.
O‘yin chiroyli bo‘ldi. Raqib futbolchisi olgan qizil kartochka ham bizga qo‘l keldi. Ammo “Bunyodkor” 10 kishi bo‘lsa-da yaxshi o‘ynagani tahsinga loyiq.
Qo‘qondan bizni qo‘llab-quvvatlash uchun kelgan muxlislarimizga, shuningdek, butun jamoaga, futbolchilarga ajoyib o‘yin uchun minnatdorchilik bildiraman. “Bunyodkor”ni Toshkentda mag‘lub etishni hamma ham uddalay olmaydi.
Biz imkon qadar kuchli-oltilikka kirishga harakat qilyapmiz. Buni uddalash oson bo‘lmaydi. Bizni qiyin bo‘lgan “Paxtakor”ga qarshi bahs kutmoqda. Albatta, bor kuchimizni ishga solib muxlislarimizni xursand etishga harakat qilamiz.
Manba: kokand1912.uz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Uchar avtomobil yo‘lovchi bilan birinchi parvozini amalga oshirdi (video)
Lukashenko G‘arbga tahdid bilan chiqdi
Mariya Zaxarova ukrainaliklarni Amerika hindulariga o‘xshatdi