2 876
Umid Ahmadjonov: “Tokio Olimpiadasigacha tarkibning yarmi almashadi, yengil atletikaga eʼtibor kuchaytiriladi”
Oʻzbekiston Milliy olimpiya qoʻmitasi prezidenti Umid Ahmadjonov ayni vaqtda Indoneziyada Osiyo oʻyinlarini yoritayotgan “Kun.uz” muxbiriga intervyu berdi.
MOQ rahbari Osiyo oʻyinlaridagi natijalar kutilganidek yuqori boʻlganini taʼkidlab, endi 2020 yili Yaponiya poytaxti Tokio shahrida boʻlib oʻtadigan Yozgi Olimpiada oʻyinlariga tayyorgarlik boshlanishini aytib oʻtgan.
«Mamlakatimizda bayram boʻlmoqda. Biz esa xorijda turib vatanimiz bayrogʻini balandga koʻtarmoqdamiz.
Mustaqil boʻganimizdan buyon bunday yuqori natija kuzatilmagandi. Oldimizda Olimpiada oʻyinlari turibdi. Tokioda ham kamida 10ta oltin olishni maqsad qilganmiz.
Osiyo oʻyinlarida milliy kurash va boks vakillari xursand qilishdi. Tennisdan, dzyudodan, sambodan ham oltinlar oldik.
Yengil atletikaga ham jiddiy eʼtibor qaratamiz. Biz hozir Tokio Olimpiadasiga boradigan sportchilarni saralashni boshlaganmiz. Har bitta federatsiyaning alohida strategiyasini ishlab chiqamiz. Sportchilarning kun tartibigacha boshqatdan koʻrib chiqamiz. Olimpiadaga borib, medal boʻlarmikan, boʻmasmikan, deb oʻtirmoqchi emasmiz.
6 oyda jiddiy oʻzgarishlar qilishga ulgurmasdik. Osiyo oʻyinlariga yoshlarni olib kelib, tavakkal qilmadik. Ammo Tokio Olimpiadasiga tarkibning yarmi almashadi. Xudo xohlasa, Tokiodan 10ta oltin bilan qaytmoqchimiz», degan Umid Ahmadjonov.
Maʼlumot uchun, Oʻzbekiston delegatsiyasi Indoneziyada 2 haftadan buyon davom etayotgan turnirda 21 oltin, 24 kumush va 25 bronza, jami 70 medal oldi va umumiy reytingda beshinchi oʻrinni band etdi.
2016 yilgi Rio-de-Janeyro olimpiadasida Oʻzbekiston delegatsiyasi 4ta oltin, 2 kumush va 7 bronza bilan umumjamoa hisobida 21-oʻrinni egallagandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Istanbuldagi 1 may namoyishlarida 140 dan ortiq kishi hibsga olindi
Abbosbek Fayzullayev ham Osiyo kubogi finalida o‘ynamaydi
Timur Kapadze Yaponiyaga qarshi kechgan finaldan so‘ng nimalar dedi?
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Ukraina Qrimga ATACMS raketalari bilan hujum qildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi