Ibrahimovich faoliyatidagi yubiley golni ham akrobatik uslubda urdi (video)

“Los-Anjeles Gelaksi” MLS chempionati doirasida “Toronto”ga yutqazdi. Torontodagi “BMO Fild” stadionida kechgan uchrashuv mezbonlarning 5:3 hisobidagi gʻalabasi bilan tugadi.

“Gelaksi”ning gollaridan biriga Zlatan Ibrahimovich mualliflik qildi. Birinchi boʻlim oxirida ushbu 36 yoshli shvetsiyalik forvard Xonatan dos Santosning zarbasini aql bovar qilmas uslubda darvoza toʻriga joyladi.

Bu gol ushbu forvard uchun faoliyatidagi 500-gol boʻldi. Ayni vaqtda futbolchilik faoliyatini davom ettirayotganlar orasida faqat ikki futbolchi shunday natijaga erishgandi. Shu vaqtgacha 500 gollik nuqtani faqat Krishtianu Ronaldu va Lionel Messi zabt etishgandi.

Ibrahimovich MLS chempionatining joriy mavsumida 22 uchrashuvda maydonga tushib, 17 ta gol urdi.

Ibrahimovich “Los-Anjeles Gelaksi”ga shu yil martida “Manchester Yunayted”dan kelgandi. U turli yillarda oʻz gollarini “Malmyo” (18), “Ayaks” (48), “Yuventus” (26), “Inter” (66), “Barselona” (22), “Milan” (56), “Pari Sen-Jermen” (156) va “MYU” (29) klublarida urgan. U 2001 yildan 2016 yilgacha Shvetsiya terma jamoasi libosida xalqaro maydonlarda harakat qilgan va 62 golga mualliflik qilgan.

View this post on Instagram

«Лос-Анжелес Гэлакси» MLS чемпионати доирасида «Торонто»га ютқазди. Торонтодаги «BMO Филд» стадионида кечган учрашув мезбонларнинг 5:3 ҳисобидаги ғалабаси билан тугади. «Гэлакси»нинг голларидан бирига Златан Ибраҳимович муаллифлик қилди. Биринчи бўлим охирида ушбу 36 ёшли швециялик форвард Хонатан дос Сантоснинг зарбасини ақл бовар қилмас услубда дарвоза тўрига жойлади. Бу гол ушбу форвард учун фаолиятидаги 500-гол бўлди. Айни вақтда футболчилик фаолиятини давом эттираётганлар орасида фақат икки футболчи шундай натижага эришганди. Шу вақтгача 500 голлик нуқтани фақат Криштиану Роналду ва Лионель Месси забт этишганди. Ибраҳимович MLS чемпионатининг жорий мавсумида 22 учрашувда майдонга тушиб, 17 гол урди. Ибраҳимович «Лос-Анжелес Гэлакси»га шу йил мартида «Манчестер Юнайтед»дан келганди. У турли йилларда ўз голларини «Мальмё» (18), «Аякс» (48), «Ювентус» (26), «Интер» (66), «Барселона» (22), «Милан» (56), «Пари Сен-Жермен» (156) ва «МЮ» (29) клубларида урган. У 2001 йилдан 2016 йилгача Швеция терма жамоаси либосида халқаро майдонларда ҳаракат қилган ва 62 голга муаллифлик қилган.

A post shared by Tribuna.uz (@tribuna.uz) on Sep 15, 2018 at 8:44pm PDT