Anchelotti: Ronalduning yagona xatosi «Yuventus» safiga o‘tgani bo‘ldi

«Napoli» klubi bosh murabbiyi Karlo Anchelotti Krishtianu Ronalduning «Yuventus» safiga o‘tgani borasida o‘z fikrlari bilan o‘rtoqlashdi.

«Krishtianuning kelgani A Seriyaning jozibasini oshirib yubordi. U uzoq yillar super yulduzlar ligasi bo‘lib kelgan: Maradona, Platini, Ziko, Zidan, Ronaldo, Shevchenko, Kaka, Ibragimovich. So‘nggi 10 yil ichida esa bunday emas edi, biroq Ronaldu o‘sha holatni qaytaradi. U misli ko‘rilmagan professional. Uning yagona xatosi «Yuventus» safiga o‘tgani bo‘ldi», - deydi Anchelotti Football Italia nashriga.

Manba: www.uff.uz