Bundan bir necha kunlar avval yurtimizdagi internet nashrlardan birida Azizbek Turg‘unboyevning agenti bilan bo‘lgan intervyu chop etilgan edi. Qiziq tomoni shu kungacha ko‘rinish bermagan agent endi paydo bo‘lib qolgani ko‘pchilikni ajablantirdi. Qolaversa, yangi mavsumga Qrimda tayyorgarlik olib borayotgan jamoa va Azizbekning «Navbahor»dan ketish yoki qolish haqidagi mish-mishlarga ham oydinlik kiritish maqsadida biroz avval Azizbek bilan bog‘landik va barchani qiziqtirgan savollarga javob oldik.
"Oldin ham aytgandim, yana aytaman. «Navbahor»da qolaman. Agent bilan bog‘liq gaplarga keladigan bo‘lsak, men hatto uni tanimayman ham. Hatto u bilan ko‘rishgan ham emasman. Hech qanaqasiga u menga butsa olib bermagan ham. Qanaqasiga hayotingizda biron marotaba ko‘rishmagan odam sizga bu narsani qilishi mumkin? Bu yolg‘on. Umuman agent degan kimsa bo‘lmagan hayotimda. Keyin, meni shaxsiy hayotimni hal qilishga uning haqqi yo‘q.
Qrimdagi tayyorgarlik a’lo darajada davom etmoqda. Kechagi nazorat uchrashuvida ham g‘alaba qozondik. 31 yanvar kuni Qrimdagi so‘nggi o‘rtoqlik uchrashuvida maydonga tushamiz. Nasib qilsa mazkur uchrashuvda ham g‘alaba qozonib muxlislarimizga xursandchilik ulashmoqchimiz.
Ketishim yoki qolishim haqidagi gaplarga kelsak, men «Navbahor» muxlislari uchun ham jamoada qoldim. Qolaversa, shu viloyatda tug‘ilib o‘sdim. Muxlislarning qo‘llab-quvvatlashi tufayli shu darajaga chiqdim. Muxlislardan har-xil gap so‘zlarga ishonmasliklarini so‘rardim. Hozir Farhod aka bilan o‘z fikrlarimni o‘rtoqlashyapman. Bu gaplarni shaxsan o‘zim aytyapman. Shu inson ham namanganlik muxlislarning hurmati va istagi bilan bugun men bilan bog‘landi. Bajonidil rozi bo‘ldim. Ba’zi muxlislar menga murojaat bilan chiqishmoqda. Senga «Navbahor»da qolishing uchun shartnomani majburlab qildirishdimi yoki kimdir bosim o‘tkazyaptimi deb. Yo‘q, birinchidan bunaqa narsalar umuman bo‘lmagan. Men o‘z xohishimga ko‘ra «Navbahor»da qolishni ma’qul deb bilganman. Turli xil yolg‘onlarni odamlar qayerdan topishadi hayronman. Yolg‘on gaplarga ishonmasligingizni so‘rayman. Men viloyat hokimi Xayrulla Hayitboyevichga cheksiz minnatdorchiligimni bildiraman. Ushbu inson hayotim davomida ko‘plab yordam berdilar. Men uchun shunchalik kuyunib, qayg‘urayotganliklari uchun barcha ishqibozlarga rahmat aytmoqchiman. Tushuninglar! Shunday rahbarlar va jonkuyar muxlislar borligi uchun ham «Navbahor»da o‘ynamoqchiman «Navbahor»da, - deydi Azizbek Turg‘unboyev.
Farhod Umaraliyev suhbatlashdi
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Saylovoldi kurashida Tramp Baydenni ortda qoldirmoqda
Eng yaxshi superfud: ismaloqning foydali xususiyatlari
“Barsa” ikki yulduz uchun bittasini “qurbon” qiladi
Amerikalik xonanda Billi Aylish noodatiy fobiyasi haqida so‘zlab berdi
UFC Vegas 91. O‘zbekistonlik Bogdan Guskov amerikalik jangchini nokautga uchratdi (video)
Pentagon rahbari Xitoyni AQSHning asosiy raqibi deb atadi
O‘zbekistonda 30 aprel kuni qanday ob-havo bo‘lishi ma’lum qilindi