Ignatiy Nesterov! Endi nima bo‘ladi?

2 daqiqa o'qish7.1K
Ignatiy Nesterov! Endi nima bo‘ladi?
O‘zbek futbolida o‘tgan bir haftada eng katta mavzu – Ignatiy Nesterov bo‘ldi. “Paxtakor” Osiyo Chempionlar ligasi guruh bosqichiga yo‘l olgandan so‘ng sal ko‘tarilgandek bo‘ldi-yu, ammo unutilgani yo‘q.

Hozir, ayniqsa kecha milliy jamoa shifokori Abror Pirriyev bergan intervyudan so‘ng aslida nimalar bo‘lganini hamma yaxshi bilib turibdi. Darvozabon ozdiruvchi dorilarni icharkan, oqibati qanchalar bo‘lishini bilmagan. Ko‘prog‘ini aytar bo‘lsak, guvohlarning gapiga ko‘ra, Nesterov doping nazoratidan o‘tish oldidan umuman tashvishga ham tushmagan. U shunchaki iste’mol qilgan dorisi tarkibida ta’qiqlangan modda borligini bilmagan. Bolalarcha soddalik.

Doping tekshiruvi jarayoni o‘zi qanaqa? Jamoadagi barcha futbolchi o‘yin oldidan va so‘ng doping nazoratidan o‘tishi shart emas. Masalan, qur’a tashlanadi va chekiga tushgan futbolchi nazoratdan o‘tadi. Osiyo Kubogida qur’a ikki marta Nesterovga “kulib boqqan”. Biri Turkmanistonga qarshi kechgan bahsda, ikkinchisi esa Ummonga. Darvozabon ketma-ket ikkinchi marta tahlil topshirishga borayotganda hatto hazil qilishga ham ulgurgan. “Yana menmi!” degandek. O‘shanda voqealar jarayoni chappa aylanib ketishini hayoliga ham keltirmagani aniq.

Mayli, o‘tgan gap o‘tdi. Endi nima bo‘ladi? Keling, shu haqida gaplashsak. Katta ehtimol bilan Nesterov qanchadir muddatga futboldan chetlatiladi. Balki olti oygadir, balki bir yilga. Ammo undan ortiq bo‘lmasa kerak. Hammasi OFKga bog‘liq. Arzimagan bir-ikki oylik jazo bo‘lishi ham mumkin.

Xo‘sh, bu chetlatish Nesterovning faoliyati tugashiga sabab bo‘ladimi? Har holda darvozabon 35 yoshda. Menimcha yo‘q. Hozir Nesterovda faoliyatini tugatishdan ko‘ra tugatmaslikka sabablar ko‘proq. Birinchidan, o‘z ishiga professional yondoshish borasida unga yetadigani yurtimizda juda kam. Darvozabon yoshligidanoq mashg‘ulotlarga jiddiy yondoshardi. Hozirku, qo‘yaverasiz. Vazn kamaytiruvchi dori ichib yurganining o‘zi ko‘p narsani anglatmaydimi?

Qolaversa, darvozabon uchun 35 yosh – chegara emas. Buffon qirqdan oshgan. Nesterov ham hali to‘rt-besh yil bemalol o‘ynay oladi. Ammo qayerda o‘ynashi, endi bu boshqa masala. Bo‘lib o‘tgan voqealardan so‘ng “Uxud” uni olib qolmasa kerak. Hali aybi tasdiqlanmay turib boshqa darvozabon qidirishga tushgan klubda qolishni Nesterovning o‘zi ham istamaydi, ehtimol. Shunday ekan, “xayr” demoqning ayni fursati.

Biroq Nesterov jamoasiz qolib ketmasligi aniq. Hali diskvalifikatsiya muddati tugamay turiboq o‘zbek klublaridan bir nechtasi unga shartnoma taklif etsa, ajablanmagan bo‘lardim. Shuningdek O‘zbekiston milliy jamoasi eshiklari ham uning uchun ochiq turishi shubhasiz...
Zafar QOSIMOV

Manba: www.uff.uz
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?