Mahmud Muradovning navbatdagi jangi muddati va raqibi aniq boʻldi

Aralash qoidalar yakkakurashi boʻyicha oʻrta (-84 kg) vazn toifasida oktagonga chiqadigan oʻzbekistonlik Mahmud Muradov (18-6, 12 KO) 16 marta kuni navbatdagi jangini oʻtkazadi. Bu haqda GoSport.uz internet-nashri xabar bermoqda.

Maʼlumotlarga koʻra, Mahmud Muradov 16 mart kuni Chexiyaning Brno shahrida oʻzining 25-jangini oʻtkazadi. Xtreme Fighting Nation (XFN) turniri doirasida tashkil etiladigan mazkur jangda Mahmudga shvetsiyalik Diyego Gonsales (20-12, 1 KO) raqiblik qiladi.

Eslatib oʻtamiz, soʻnggi marta Mahmud Muradov 2018 yilning 27 dekabr kuni oktagonga chiqqandi. Oʻshanda u Chexiyada boʻlib oʻtgan XFN turnirida polshalik Gjegoj Sivini uchinchi raundda nokautga uchratib gʻalaba qozongandi. “Zamin”ni Telegramʻda oʻqing!