Professional boksning o‘ta og‘ir (+90,7 kg) vazn toifasida to‘rtta yo‘nalish — WBA, IBF, WBO va IBO kamarlari sohibi, britaniyalik Entoni Joshua (22-1, 21 KO) kutilmaganda kamarlar uchun da’vogar Endi Ruisga (33-1, 22 KO) imkoniyatni boy berib qo‘ydi.
U Nyu-Yorkdagi «Medison skver garden» arenasida o‘tgan 12 raundlik jangi meksikalik bokschiga 7-raundda texnik nokaut bilan mag‘lub bo‘ldi.
Jangning uchinchi raundida avvaliga Endi Ruis nokdaunga uchradi, ammo shu raundning o‘zida Ruisning ketma-ket zarbalaridan so‘ng Joshuaning o‘zi ham ikki marta nokdaun holatiga tushdi.
7-raundga kelib Endi yana faollashdi va yana ikki marta britaniyalik chempionni yerga qulatishga muvaffaq bo‘ldi. To‘rtinchi nokdaundan so‘ng referi Joshuadan bir necha marta jangni davom ettira olish-olmasligini so‘radi, ammo Entonidan aniq javob bo‘lmagach, hakam jangni to‘xtatdi va 7-raundning 1:27 soniyasi o‘tib borayotganda texnik nokautni qayd etdi.
Natijada Endi Ruis kutilmagan g‘alaba evaziga bir yo‘la to‘rtta chempionlik kamarini o‘ziniki qilib oldi.
Ushbu jang britaniyalikning 2018 yil sentyabrda rossiyalik Aleksandr Povetkinga qarshi g‘alabali jangidan keyin birinchisi bo‘ldi.
Joshua dastavval amerikalik Jarell Miller bilan jang qilishi kerak edi, biroq u doping-sinovdan o‘ta olmay, jangdan chetlatilgandi. 1 may kuni uning o‘rniga Ruis jang qilishi ma’lum bo‘lgan.
Shuningdek, Joshua birinchi marta AQShda jang o‘tkazdi.
Britaniyalik IBF kamarini 7-marta, WBA kamarini 4-marta va WBO kamarini 2-marta himoyalay olmadi. U IBF kamarini 2016 yilda amerikalik Charlz Martinga, WBA kamarini 2017 yil ukrainalik Vladimir Klichkoga va WBO kamarini 2018 yil martida yangi zelandiyalik Jozef Parkerga qarshi janglarda qo‘lga kiritgan.
Endilikda 29 yoshli Joshuaning hisobida 22 ta g‘alabadan keyin bitta mag‘lubiyat bor.
Ruis chempion unvoni uchun ikkinchi marta jang o‘tkazdi. U ushbu g‘alabadan keyin g‘alabalari sonini bitta mag‘lubiyat bilan 33 taga yetkazib qo‘ydi.
O‘ta og‘ir vazndagi 4-nufuzli kamar ayni vaqtda amerikalik Deontey Uaylderga tegishli.
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Shavkat Mirziyoyev ikki yirik tuzilma rahbarlari bilan muloqot o‘tkazdi
AQSH marixuanani kuchli giyohvand moddalar ro‘yxatidan chiqaradi
Toshkentda pullarni ko‘paytirib berishini aytib, fuqaroni chuv tushirgan treyder ushlandi
Buyuk Britaniya va Ukraina 100 yillik hamkorlik bo‘yicha muzokaralarni boshladi
Xokkey bo‘yicha O‘zbekiston terma jamoasi "U-18 Osiyo-Okeaniya chempionati" g‘olibi bo‘ldi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi