Bektemir Meliqo‘ziyev debyut jangida raqibni birinchi raunddayoq nokautga uchratdi (video)

^{Foto: Twitter/@GoldenBoyBoxing}
Professional boksning super o‘rta (-76,2 kg) vazn toifasida faoliyatini boshlagan o‘zbekistonlik Bektemir Meliqo‘ziyev (1-0, 1 KO) debyut jangini o‘tkazdi.

Los-Anjelesda, Hollivuddagi The Avalon saroyida professional boksdagi ilk jangida shu vaqtga qadar professional ringda 46 jang o‘tkazgan argentinalik Martin Fidel Riosga (23-20-4, 13 KO) qarshi ringga ko‘tarildi.

6 raundga mo‘ljallangan jangning birinchi raundidayoq profi-boksdagi faoliyatini «bezori» (Bully) laqabi bilan boshlagan o‘zbekistonlik sportchi tomonidan berilgan dastlabki kuchli zarba Riosni yerga qulatdi va hakam sof nokaut qayd etdi.

pic.twitter.com/VMlaCGeZIq

— Boxeo Boxing Boxen ボクシング Boks มวย Boksing бокс 拳击 (@Hock1717) June 14, 2019

Qayd etish lozim, argentinalik bokschi uzoq vaqt o‘ziga kela olmay o‘rnida tura olmadi. Shunday qilib Meliqo‘ziyev o‘zining debyut jangida g‘alaba qozondi.


^{Foto: Twitter/@GoldenBoyBoxing}
Bektemir Meliqo‘ziyev shu yilning aprelidan buyon Amerikada «Mir boksa» promouterlik klubi tarkibida mashg‘ulotlarda ishtirok etib kelmoqda. GoSport.uz internet-nashri ma’lumotiga ko‘ra, uning murabbiylari Joel Dias va Antonio Dias hisoblanadi.

^{Foto: Twitter/@GoldenBoyBoxing} “Zamin”ni Telegramʻda oʻqing!