4 248
Vadim Abramov Yaxshiboyev, Hamrobekov, O‘runov va Ahmadaliyevning xizmatlaridan foydalanmaslikka qaror qildi
O‘zbekiston terma jamoasi bosh murabbiyi Vadim Abramov terma jamoaning yakuniy ro‘yxatidan tushib qoladigan futbolchilarni aniqlab oldi.
Unga ko‘ra, Superligada tayanch nuqtasida eng barqaror va kuchli o‘ynayotgan Odil Hamrobekov, hujumkor yarim himoyachi Oston O‘runov, o‘ng qanot himoyachisi Dilshod Ahmadaliyev hamda hujumkor vinger Jasur Yaxshiboyev yakuniy ro‘yxatdan tushib qoldi.
Vadim Abramov terma jamoa ixtiyorida bo‘lib turgan va 5 kun birga mashg‘ulotlarda ishtirok etgan asosan yosh iqtidorli futbolchilar: Hamrobekov, Yaxshiboyev, O‘runov va Ahmadaliyevga javob berib yubordi.
Shu tariqa terma jamoa ixtiyorida 24 nafar futbolchi qoldi. Qoidaga ko‘ra, Yaman va Singapurga qarshi o‘yin qaydnomasiga 23 nafar futbolchi kiritiladi. Vadim Abramov esa qo‘l ostida 24 nafar futbolchi bilan shug‘ullanishda davom etmoqchi.
Hujumchi Eldor Shomurodov va yarim himoyachi Ikrom Aliboyev terma jamoa safiga qo‘shildi.
Eslatib o‘tamiz, O‘zbekiston milliy jamoasi JCh-2022 saralash bosqichi doirasida 10 oktyabr kuni Toshkentda Yamanga qarshi, so‘ngra safarda 15 oktyabr kuni Singapur bilan kuch sinashadi.
O‘zbekiston terma jamoasining mashg‘ulotlariga ishtirok etayotgan futbolchilar ro‘yxati:
Darvozabonlar: Sanjar Quvvatov (“Paxtakor”), Eldor Suyunov (“Paxtakor”), Abdumavlon Abdujalilov (“Bunyodkor”).
Himoyachilar: Yegor Krimets (“Paxtakor”), Rustam Ashurmatov (“Gvangju”, Janubiy Koreya), Umar Eshmurodov (“Nasaf”), Islom To‘xtaxo‘jayev (“Lokomotiv”), Sharof Muhitdinov (“Nasaf”), Farrux Sayfiyev (“Paxtakor”), Hojiakbar Alijonov (“Paxtakor”), Akbar Ismatullayev ("Metallurg").
Yarim himoyachilar: Odil Ahmedov (“Shanxay SIPG” - Xitoy), Ikrom Aliboyev (“Seul FK” – Janubiy Koreya), Aziz G‘aniyev (“Nasaf”), Jaloliddin Masharipov (“Paxtakor”), Lutfulla To‘rayev ("Bunyodkor"), Sardor Mirzayev (“Lokomotiv”), Otabek Shukurov (“Sharja”, BAA), Dostonbek Hamdamov (“Paxtakor”), Xurshid G‘iyosov ("Bunyodkor"), Jamshid Iskanderov ("Lokomotiv").
Hujumchilar: Eldor Shomurodov (“Rostov” – Rossiya), Igor Sergeyev (“Paxtakor”), Temurxo‘ja Abduxoliqov (“Xorfakkan”).
Manba: championat.asia “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shols va Putin o‘rtasidagi suhbat Kiyevga signal bo‘ldi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Xatolar va mag‘lubiyatlar... ular kechiriladimi?
Kim Chen In harbiylarni jangovar holatda turishga chaqirdi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Omega-3 qanday qilib ozishga yordam beradi?
