"So‘g‘diyona" uchinchi o‘rinni olsa har bir futbolchiga "Jentra" sovg‘a qilinadi

Jizzaxning "So‘g‘diyona" bu mavsumni ajoyib tarzda o‘tkazmoqda.
Eshitishimizga qaraganda jamoa a’zolariga mavsum so‘nggida bittadan avtomobil sovg‘a qilinishi mumkin. Buning uchun Ulug‘bek Baqoyev boshchiligidagi klub Superligada bronza medallarini qo‘lga kiritishi kerak bo‘ladi.

Jizzax klubi o‘z tarixida bir marta bronza medallariga ega chiqqan. Bu voqea 1992 yilgi mavsumda kuzatilgan. 2005 yildan buyon "So‘g‘diyona" mavsumni 10-pog‘onadan pastda yakunlab kelayotgan edi.

Ma’lumot uchun, chempionat tugashiga 4ta tur qolgan bir vaziyatda "So‘g‘diyona" musobaqa jadvalida 3-o‘rinda bormoqda.