O‘zbekiston milliy terma jamoasi bugun Toshkentda Qirg‘izistonga qarshi o‘rtoqlik uchrashuvida maydonga tushdi.
"Paxtakor" stadionida bo‘lib o‘tgan bahsda vakillarimiz 3:1 hisobida g‘alaba qozondi. Vakillarimiz tezkor gol urishning uddasidan chiqishdi.
10-daqiqada Abrorbek Ismoilovning qanotdan paslatib uzatgan to‘pi natijasida Qirg‘iziston terma jamoasi himoyachilari va darvozaboni xatoga yo‘l qo‘ydi va bundan Igor Sergeyev unumli foydalanib ketdi, - 1:0. E’tiborlisi shundaki, Abrorbek Ismoilov shu kuni milliy terma jamoamiz safida debyutini o‘tkazdi.
Goldan keyin ikkala tomonda ham yana vaziyatlar sodir etildi. Biroq Qirg‘iziston 30-daqiqaga kelib muvozanatni tikladi. Burchak to‘pidan keyin himoyamizda yuzaga kelgan xatoliklardan so‘ng Farhod Musobekov to‘p yo‘lladi, - 1:1.
Tanaffusdan keyin Vadim Abramov tarkibda ko‘plab o‘zgarishlarni amalga oshirdi. Ayniqsa, Dostonbek Hamdarov, Jamshid Iskandarov, Ikrom Aliboyev va Lutfulla To‘rayevlarning safga qo‘shilishi o‘yinimizda o‘zgarish yasadi. Bundan esa Dostonbek Hamdarov 53-daqiqaga kelib unumli foydalandi. U Odil Ahmedovning havolatib uzatgan to‘pini darvozabon qarshisida to‘xtatib, Pavel Matyashni ojiz qoldirdi, - 2:1.
79-daqiqaga kelib esa Hamdamovning uzatmasidan zaxiradan maydonga tushirilgan Jamshid Iskandarov chiroyli tarzda Matyashning ojiz nuqtasini nishonga oldi, - 3:1.
Qolgan vaqt davomida milliy terma jamoamiz ko‘proq ustunlikni o‘z tomonida ushlab turgan bo‘lsa-da, darvozalarga boshqa to‘p kiritilmadi.
Shu tariqa, Vadim Abramov ustozligidagi O‘zbekiston milliy terma jamoasi o‘rtoqlik bahsida Qirg‘izistondan ustun keldi, - 3:1.
O‘ZBEKISTON – QIRG‘IZISTON 3:1
Gollar: Igor Sergeyev 10, - 1:0. Farxat Musabekov 29, - 1:1. Dostonbek Hamdamov 53, - 2:1. Jamshid Iskanderov 80, - 3:1.
O‘zbekiston: 1.Eldorbek Suyunov, 14.Sharof Muhitdinov, 20.Islom To‘xtaxo‘jayev (5.Rustamjon Ashurmatov, 46), 9.Odil Ahmedov, 15.Murod Xolmuhammedov (3.Hojiakbar Alijonov, 64), 7.Odil Hamrobekov (6.Lutfulla To‘rayev, 58), 2.Abror Ismoilov (8.Ikromjon Aliboyev, 46), 13.Sanjar Qodirqulov, 4.Xurshid G‘iyosov (22.Jamshid Iskanderov, 70), 19.Azizbek Turg‘unboyev (17.Dostonbek Hamdamov, 46), 21.Igor Sergeyev.
Zaxira: 12.Sanjar Quvvatov, 16.Abdumavlon Abdujalilov, 23.Oleg Zoteyev, 18.Sardor Sobirxo‘jayev, 10.Jaloliddin Masharipov, 11.Humoyun Murtozayev.
Qirg‘iziston: 1.Pavel Matyash, 3.Tamirlan Kozubayev, 4.Mustafa Yusupov, 8.Guljigit Alikulov, 9.Edgar Bernxardt (20.Baxtiyor Duyshobekov, 63), 10.Mirlan Murzayev (18.Qayrat Jirgalbek Uulu, 63), 11.Bekjan Saginbayev (14.Aleksandr Mishchenko, 63), 12.Odiljon Abdraxmanov, 17.Akramjon Umarov (7.Azamat Baymatov, 74), 19.Vitaliy Lyuks (15.Murolimjon Ahmedov, 7), 21.Farxat Musabekov (23.Ahliddin Isroilov, 64).
Zaxira: 13.Qutman Kadirbekov, 16.Vitaliy Kashuba. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Xatolar va mag‘lubiyatlar... ular kechiriladimi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
Omega-3 qanday qilib ozishga yordam beradi?
