O‘zbekistonda ilk bor aralash jang san’atlari bo‘yicha GFC-20 turniri o‘tkazildi. Muxlislar ajoyib janglar guvohi bo‘lishdi.
Bunga o‘xshash tadbir respublikada ilk bor o‘tkazilmoqda. Ushbu sport musobaqaning tashkilotchilaridan biri UFC mutlaq chempioni Habib Nurmagomedov bo‘ldi.
23 noyabr oqshomida bo‘lib o‘tgan janglarda Argentina, Rossiya, Belarus, Ukraina, Ozarbayjon, Braziliya, Fransiya, Italiya, Xorvatiya, Tunis, Tojikiston va O‘zbekistondan jangchilar oktagonga ko‘tarilishdi.
Quvonarlisi, o‘zbekistonlik sportchilar Avliyoxon Hamidov, Nursulton Ro‘ziboyev, Muzaffar Rajabov, Jahongir Jumayev, Ahliddin Mirzadavlatov raqiblari ustidan ishonchli g‘alaba qozonishdi. Ayniqsa, Nursulton Ro‘ziboyev va Jahongir Jumayevning janglari yodda qolarli bo‘ldi. Jamshid Rahmonaliyev va Amin Ergashev esa raqiblariga imkoniyatni boy berib qo‘yishdi.
“Humo Arena”ni to‘ldirgan muxlislar o‘zlarining qo‘llab-quvvatlashlari, hayqiriqlari bilan jang oqshomiga o‘zgacha shukuh bag‘ishlashdi.
Shubhasiz, musobaqaning asosiy jangi Umar Nurmagomedov (Habib Nurmagomedovning amakisining o‘g‘li – tahr. ) hamda argentinalik Brayan Gonsales o‘rtasida kechdi. Umar Nurmagomedovlarga xos tarzda bo‘g‘uvchi usul bilan raqibini muddatidan avval mag‘lub etdi va chempionlik unvonini munosib tarzda himoya qila oldi.
Umar Nurmagomedov jangdan so‘ng tomoshabinlarga qo‘llab-quvvatlaganliklari uchun minnatdorchilik bildirdi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
