
Tailand mezbonlik qilayotgan U23 Osiyo chempionatining D guruhi vakillari 10 yanvar, juma kuni 1-tur o‘yinlarini o‘tkazdi.
Vetnam olimpiya terma jamoasi Birlashgan Arab Amirliklari bilan bahs yuritdi. Mazkur uchrashuvda hisob ochilmadi va musobaqaning amaldagi vitse-chempionlari durangga rozi bo‘ldi.
U23 OCH—2020
1-tur bahslari
10 yanvar, juma
D guruhi
Vetnam — BAA 0:0
Iordaniya olimpiyachilari esa KXDRga qarshi maydonga tushdi. Birinchi bo‘limga qo‘shib berilgan vaqtda Muhammad bani Atieh iordaniyaliklarni oldinga olib chiqdi. 74-daqiqada Umar al-Zebdieh hisobni oshirdi. O‘yin yakunlanishi arafasida Ryan Hyon Ju hisobdagi farqni qisqartirishga erishdi.
KXDR — Iordaniya 1:2
Gollar: 0:1 — 45+1 Muhammad bani Atieh, 0:2 — 74 Umar al-Zebdieh, 1:2 — 90+1 Ryan Hyon Ju.
Ushbu guruhda ikkinchi tur bahslari 13 yanvar kuni bo‘lib o‘tadi. Unda BAA KXDR bilan, Iordaniya esa Vetnam bilan o‘ynaydi.

Shu bilan musobaqaning 1-tur uchrashuvlari o‘z yakuniga yetdi. 11 yanvardan boshlab 2-tur uchrashuvlari start oladi. Lyubinko Drulovich boshchiligidagi O‘zbekiston olimpiya terma jamoasi 12 yanvar kuni Xitoyga qarshi o‘yin o‘tkazadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar