16:30 / 01.02.2020
2 734

Umar Nurmagomedov UFC bilan shartnoma imzoladi

Umar Nurmagomedov UFC bilan shartnoma imzoladi
Foto: Yandex Photos
Rossiyalik yakkakurashchi Umar Nurmagomedov UFC bilan shartnoma imzoladi. Bu haqda uning amakivachchasi Habib Nurmagomedov Instagram sahifasi orqali ma’lum qildi.

«UFC’da hayotimning yangi sahifasini ochyapman. Yonimdagi barchaga rahmat aytaman. Sizlarni uyaltirib qo‘ymayman», — deydi Umar.

24 yoshli Umar Nurmagomedov MMA’da 12 jang o‘tkazib, ularning barchasida g‘olib chiqqan. U so‘nggi bor Toshkentda o‘tgan GFC 20 kechasida Brayan Gonsalesni mag‘lub etib, chempionlik kamarini himoya qilgandi. Jangdan so‘ng Umar UFC’da debyut qilmoqchi ekanini ma’lum qilgandi.

Ayrim xabarlarga ko‘ra, Umar Nurmagomedov 19 aprel kuni bo‘lib o‘tadigan UFC 249 musobaqasida debyut qilishi mumkin. Shu kuni Habib Nurmagomedov Toni Fergyusonga qarshi jang qiladi.

Eslatib o‘tamiz, 2019 yilda Habibning yana bir amakivachchasi Abubakar Nurmagomedov UFC’da debyut qilgan va kutilmaganda David Zavadega yutqazib qo‘ygandi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Umar Nurmagomedov UFC bilan shartnoma imzoladi