«Everton» Eto′Oni tekinga qo‘yib yuboradi

“Everton” klubi hujumchisi Samuel Eto′O yaqin vaqt ichida “Sampdoriya” klubi a’zosiga aylanadi. Ingliz klubi kamerunlik futbolchini tekinga qo‘yib yuborishga qaror qildi.

“Sampdoriya” esa ikki yarim yil davomida futbolchiga maoshdan tashqari qo‘shimcha mukofot pullari berishga rozi bo‘ldi. Shu yo‘l orqali “Everton” futbolchi bilan tuzilgan shartnoma muddatidan avval buzilishi tufayli Eto′Oga to‘lanishi kerak bo‘lgan mablag‘dan ozod bo‘ladi.

Joriy mavsumda Eto′O Angliya chempionatidata 14ta uchrashuvda maydonga tushib, 3ta gol kiritgan va 1ta golli uzatmani amalga oshirgan.

Manba: www.uff.uz