2 848
Saveliy Abramov - Kelajakda Yevropada o‘ynash orzusi, Vadim Karlenovichga qarindosh emasligi, Moskva klubidan bo‘lgan taklif haqida
Pro-liga yangi mavsumiga tayyorgarlik olib borayotgan Toshkentning "Oq-tepa" klubi futbolchisi Saveliy Abramov bilan intervyu tashkil etdik. Quyida mazkur intervyuning to‘liq matni bilan tanishing.
- Saveliy, futbolga kirib kelishingiz qanday bo‘lgan?
- Futbolga bo‘lgan qiziqish bolaligimdan boshlangan. 7-yoshligimda dadam meni "Paxtakor" akademiyasiga olib borganlar. Birinchi murabbiyim - Shuhrat aka Rahmonqulov bo‘lib, u kishi menga futboldagi dastlabki saboqlarni berganlar.
- Bugunga qadar qaysi jamoalar safida o‘ynagansiz?
- Dastlab "Paxtakor" futbol klubining o‘rinbosarlari tarkibida, keyinchalik "Qo‘qon-1912" jamoasida, ayni damda "Oq-tepa" safida o‘ynayapman.
- O‘zbekiston MTJ va "Bunyodkor" futbol klubi bosh murabbiyi Vadim Abramov bilan familiyangiz bir xil. Shundan kelib, ayrimlar sizni Abramovga qarindosh deb o‘ylashi ham mumkin. Bu haqida aniq ma’lumotni o‘zingizdan eshitsak...
- Vadim Abramovni hurmat qilaman va nasib bo‘lsa O‘zbekiston terma jamoasini jahon chempionatiga olib chiqishiga ishonaman. Vadim Abramov bilan chindan ham familiyamiz bir xil, lekin bu shunchaki tasodif, biz qarindosh emasmiz.
- Aytingchi, 2020-yilgi Pro-ligada "Oq-tepa" klubi o‘z oldiga qanday maqsadlarni qo‘ygan?
- Jamoamiz joriy mavsumda birinchi o‘rinni qo‘lga kiritib, Superliga yo‘llanmasiga ega chiqishni, shuningdek muxlislarga yoqadigan tomoshabop futbol namoyish etishni maqsad qilgan.
- Ayrim manbalarda tarqalgan ma’lumotlarga ko‘ra, "Xorazm" jamoasining bir necha yillik murabbiyi Aleksandr Yejov "Oq-tepa" klubida bosh murabbiy sifatida ishlayotgan ekan...
- Ha, bu to‘g‘ri. Ayni damda "Oq-tepa"ni Aleksandr Yejov va Alisher Shog‘ulomovlar boshqarishmoqda.
- Sizga xorij klublaridan takliflar bo‘ladimi?
- Ayni damda menda xorij klublaridan takliflar yo‘q. 15-16 yoshligimda "Dinamo" (Moskva) jamoasidan taklif bo‘lgan edi.
- Saveliy Abramovning futboldagi maqsadlari qanday?
- Futboldagi maqsadim - kelajakda O‘zbekiston terma jamoasi safida jahon chempionatida ishtirok etish, shuningdek Yevropa klublariga yo‘l olishdan iborat.
- Intervyu uchun rahmat, kelgusidagi faoliyatingizda muvaffaqiyatlar tilaymiz!
- Taklif uchun minnatdorchilik bildiraman. Barcha o‘zbekistonlik futbol ixlosmandlariga, shuningdek "Oq-tepa" klubi muxlislariga omad tilayman.
Bekzod Tolibov yozib oldi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi