Vadim Afonin Toshkentning "Lokomotiv" klubiga o‘tdi

O‘zbekiston terma jamoasi sobiq yarim himoyachisi Vadim Afonin yurtimizga qaytdi. Bir necha yil davomida Rossiyada to‘p tepgan futbolchi Toshkentning "Lokomotiv" klubi bilan shartnoma tuzdi. Afonin "temiryo‘lchilar" safida katta ehtimol bilan 8-raqamda o‘ynaydi.

Ma’lumot uchun, Afonin faoliyati davomida O‘zbekistonda "Traktor" va "Sho‘rtan", Rossiyada "Rubin", "Salyut", "Anji" va "Orenburg" klublarida o‘ynagan. 2012-2017 yillar davomida O‘zbekiston terma jamoasi safida 6ta o‘yinda maydonga tushgan.