Namanganning “Navbahor” jamoasi bosh murabbiyi Andrey Kanchelskis bir necha kun avval Rossiyaning “Sport-Ekspress” nashriga intervyu berdi. Jurnalist mutaxassisga shunday savol berdi:
- O‘tgan yilning yozida mahoratli hujumchi Fyodor Chalovning SSKAdan “Kristal Pelas” tarkibiga qo‘shilishiga bir bahya qolgandi. Sizningcha, u Angliyada o‘ynab keta olarmidi?
- “Kristal Pelas” Londonning boy an’analarga ega bo‘lgan klublaridan biri. Ushbu jamoada Roy Xojson bosh murabbiy sifatida faoliyat olib bormoqda va uning tarkibidan mahoratli futbolchilar joy olishgan. Fyodorning o‘rnida bo‘lganimda, o‘sha transferni amalga oshirish uchun qo‘ldan kelganicha harakat qilardim. Axir SSKA va APL turlicha olam.
O‘z vaqtida men ham tavakkalga qo‘l urganman. Axir, “Shaxtyor”da o‘zimni juda yaxshi his qilardim. O‘shanda Donetskda 2 xonali kvartiram bor edi va menga “Volga” avtomobili berishgandi. Shuningdek, MYUdagiga qaraganda, “Shaxtyor”da ko‘proq maosh olardim. Shunday bo‘lsa-da, tavakkal qilishga ahd qildim va bu ishim o‘zini oqladi.
– “Rostov” jamoasiga ajoyib tarzda moslashib olgan o‘zbekistonlik hujumchi Eldor Shomurodov ham tavakkalga qo‘l ursa bo‘ladimi?
- Bo‘lmasam-chi? Eldor Shomurodov yaxshi o‘yin namoyish eta oladigan futbolchi. Shuning uchun u ham tavakkal qilib, boshqa chempionatlarda o‘zini sinab ko‘rsa bo‘ladi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
AQSH Isroilning ikki vaziriga sanksiya qo‘llamoqchi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
Organizm o‘zini toksinlardan qanday tozalaydi?
Yaxshi pishgan va mazali anor tanlashga yordam beradigan tavsiyalar
Buyrak salomatligi uchun eng foydali sabzavot...
