Osiyo futbol konfederatsiyasi uyushmaga a’zo mamlakatlar futbol federatsiyalarini mamlakatda ommaviy futbolni rivojlantirish yo‘nalishi bo‘yicha olib borayotgan dasturlari ko‘lamiga ko‘ra ma’lum toifalarga ajratib keladi.
O‘zbekiston futbol Assotsiatsiyasi OFK tomonidan ommaviy futbol rivoji bo‘yicha "kumush" toifasi a’zolari safiga kiritildi.
OFK veb-saytining yozishicha, ommaviy futbolni rivojlantirish bo‘yicha "kumush" toifaga kiruvchi mamlakatlar soni 6 taga yetdi. Qit’a futbol uyushmasi 2017 yildan buyon a’zo futbol assotsiatsiyalarini o‘z mamlakatida ommaviy futbolni yanada rivojlantirish borasida amalga oshirayotgan dasturlari samaradorligi bo‘yicha toifalarga bo‘lib kelmoqda. Bunda ommaviy futbol bo‘yicha yo‘lga qo‘yilgan tashabbus va dasturlar soni, ularning qamrovi, mavjud infratuzilma, bolalar o‘rtasida o‘tkazilayotgan turnirlar tashkilotchilik darajasi kabi jami 20 ta me’zon asos bo‘lib xizmat qiladi.
O‘FA mamlakatda futbolni yanada ommalashtirish maqsadida hududiy futbol assotsiatsiyalari bilan birgalikda muntazam ravishda qator festivallar, turli yosh toifalari uchun musobaqalar o‘tkazib kelmoqda.
O‘FA texnik direktori Shovkat Imamov OFK veb-saytiga bu borada quyidagicha fikr bildirdi:
– OFK bilan barcha yo‘nalishlardagi yaqindan hamkorlik samarasi o‘laroq O‘FAning qator loyiha va dasturlari mamlakatda ommaviy futbolni rivojlantirishda muhim o‘rin tutmoqda va futbolning do‘stlik hamda tinchlik elchisi sifatidagi o‘rnini mustahkamlamoqda. O‘FA OFKning barcha dasturlarida katta mamnuniyat ila ishtirok etadi.
Qayd etish joiz, O‘FA shuningdek, mamlakatda ayollar futbolini rivojlantirish, qolaversa imkoniyati cheklangan insonlarning sport bilan shug‘ullanishi uchun ham amalga oshirilayotgan dasturlari uchun taqdirlandi.
Manba: ufa.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Toshkent viloyatida 17 ta noqonuniy mayner davlatga 16 milliard so‘m zarar yetkazdi
Abduqodir Husanov va Hojimat Erkinov klubi ixtiyoriga qaytdi
AQSHda MXA sobiq xodimi Rossiya foydasiga josuslik qilgani uchun 21 yilga qamaldi
O‘zbekiston Bibixonim masjidini rekonstruksiya qilayotgan Qatarga minnatdorlik bildirdi
O‘zbekistonliklar Saudiyaga tibbiyot va mehmonxona sohalari bo‘yicha ishga yuborilishi mumkin
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
Filippinda qurib qolgan suv to‘g‘oni ostida 300 yillik shahar qoldiqlari topildi