FIFA yangi reytingida O‘zbekiston milliy terma jamoasi nechanchi o‘rinda?

Xalqaro futbol federatsiyasi (FIFA) jahon terma jamoalarining 16 iyul holatiga ko‘ra, yangi reyting jadvalini e’lon qildi.
Ushbu reytingda O‘zbekiston milliy terma jamoasi avvalgi o‘rnini saqlab qolib, ro‘yxatning 85-pog‘onasidan joy olgan. Osiyo mamlakatlari terma jamoalari o‘rtasida bu 12-ko‘rsatkichdir. O‘zbekiston Markaziy Osiyo vakillari orasida Qirg‘iziston, Tojikiston va Turkmanistondan yuqorida bormoqda.

Osiyo jamoalari o‘rtasida jahon reytingida 28-pog‘onada qayd etilgan Yaponiya peshqadam. Eron va Janubiy Koreya futbolchilari qit’amizning kuchli uchligidan joy oldi.

Jahon reytingida Belgiya, Fransiya va Braziliya terma jamoalari yetakchilik qilmoqda.
Kuchli o‘nlik bilan tanishing:
1 (1). Belgiya — 1765 ochkov
2 (2). Fransiya — 1733
3 (3). Braziliya — 1712
4 (4). Angliya — 1661
5 (5). Urugvay — 1645
6 (6). Xorvatiya — 1642
7 (7). Portugaliya — 1639
8 (8). Ispaniya — 1636
9 (9). Argentina — 1623
10 (10). Kolumbiya — 1622… “Zamin”ni Telegramʻda oʻqing!