Rossiya ommaviy axborot vositalari vakillari “Rostov”ning o‘zbekistonlik hujumchisi Eldor Shomurodovning “Jenoa”ga o‘tishi munosabati bilan O‘zbekiston milliy terma jamoasi bosh murabbiyi Vadim Abramovdan fikrlarini so‘radi.
- Milliy terma jamoa bosh murabbiyi sifatida men uchun eng asosiysi, Shomurodovning “Jenoa”da o‘yin amaliyotiga ega bo‘lishidir. Rossiya premer-ligasining Italiya kabi top chempionatlardan farqi katta, deb o‘ylamayman. “Rostov” ham “Jenoa”dan kuchsiz jamoa emas. “Inter” va “Yuventus” singari kuchli klublarga qarshi o‘yinlar mavsum davomida ko‘p ham bo‘lavermaydi. “Rostov” ham Yevropa Ligasining guruh bellashuvlariga chiqqanida ana shunday grand jamoalar bilan kuch sinashish imkoniga ega bo‘lardi.
Moslashish jarayoni har kimda turlicha kechadi. Buyuk futbolchilar ham birdaniga zo‘r o‘ynab keta olmaydi. Har qanday o‘yinchiga yangi ligaga o‘tganida moslashish uchun muayyan vaqt kerak. Eldor “Jenoa”da o‘ynab ketoladi, deb o‘ylayman. To‘g‘risi, u kamtar yigit va aynan shu xislati unga xalaqit qilishi mumkin. Italiyaliklar esa, bag‘rikeng yigitlar va ularning tili ham unchalik murakkab emas. Transfer borasida Eldor bilan hali gaplashmadim. U terma jamoaga yetib kelishi kerak. Beshinchi oktabrga chiptasi bor. Lekin kelish-kelmasligini bilmayman.
Vaqt O‘zbekistonda sifatli va saviyali futbolchilar borligini ko‘rsatmoqda. Biz O‘zbekiston futbolida hammasi joyida ekanini ko‘rsatish uchun terma jamoalar miqyosida Rossiya bilan uchrashishimiz kerak. Mahsulotni bevosita ko‘rsatish kerak, deyishadiyu. “Paxtakor” “Spartak” bilan o‘yinda omadsizlikka duch keldi (0:4). Bu vaziyat taqozosi edi. Agar hozir ular yana kuch sinashsa, umuman boshqacha o‘yin bo‘ladi, - dedi Vadim Abramov.
O‘zbekiston milliy terma jamoasi 2022 yilgi jahon chempioni va 2023 yilgi Osiyo kubogi musobaqasiga chiqish uchun qo‘shma saralash bosqichi uchrashuvlariga tayyorgarlik jarayonini reja asosida olib bormoqda.
Shu sababli, milliy jamoamiz futbolchilari uchun 3-16 oktabr kunlari o‘quv-mashg‘ulot yig‘ini tashkil etadi. Ushbu yig‘in doirasida Eron hamda BAA terma jamoalariga qarshi xalqaro o‘rtoqlik o‘yini rejalashtirilgan.
8 oktabr kuni terma jamoamiz Eronga qarshi o‘rtoqlik uchrashuvida maydonga tushadi. Ushbu bahs “Paxtakor” stadionida soat 18:00 da boshlanadi.
Shuningdek, O‘zbekiston milliy terma jamoasi 12 oktabr kuni Dubay shahrida BAA vakillariga qarshi o‘rtoqlik o‘yini o‘tkazadi. Vadim Abramov yig‘inga quyidagi futbolchilarni taklif etgan.
Eldor Shomurodov bugungi kunda mamlakatimiz bosh jamoasining asosiy hujumchisi va to‘purari hisoblanadi. U terma jamoa tarkibida 43 ta uchrashuvda raqiblar darvozasini 20 marotaba aniq nishonga olgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
5 may kuni respublika hududida kuzatiladigan ob-havo ma’lumotlari
AQSH va Yaponiya gipertovushli qurollarni urib tushirish uchun raketa yaratadi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Ukraina bosh vaziri: “Rossiya urush davomida Ukrainada 250 mingdan ortiq turar joy binosini vayron qildi”
AQSH Ukrainaga yana 50 mlrd dollar ajratishni taklif qildi
Bayden: “AQSH butun dunyoda matbuot erkinligi bo‘g‘ilishiga javoban sanksiyalar joriy qilmoqchi”
Belgiya Isroilga nisbatan savdo sanksiyalarini qo‘llash tashabbusini ilgari surdi
Kecha O‘zbekiston olimpiya terma jamoasiga g‘alaba uchun nima yetishmadi?