"Navbahor" va "Olimpik" jamoalari o‘rtasida kechgan uchrashuvdan so‘ng o‘tkaziladigan matbuot anjumanining dastlabki qismida mehmonlar bosh murabbiyi Temur Kapadze o‘yin haqidagi fikrlarini bildirib o‘tdi.
- Albatta, birinchi navbatda, "Navbahor"ni g‘alaba bilan tabriklayman, jamoaga keyingi o‘yinlarda omad tilayman. Kuchli raqibga qarshi o‘ynaganda, kamchiliklarni ko‘rib olish mumkin. Bugun futbolchilarimiz ancha yaxshi to‘p surishdi. Superliga jamoasiga qarshi bahsda yigitlarimiz yomon to‘p tepishmadi. Bunday o‘yinlar futbolchilarimizga ham, o‘zimga ham tajriba vazifasini o‘taydi.
Oldimda katta vazifa turibdi, Olimpiya terma jamoasi bosh murabbiyiman. Kelajak uchun poydevorni shu yoshlar bilan quramiz. Hozirgi vazifam shu yoshlarni yanada rivojlantirish, kuchaytirish, bundan barcha klublarimiz va terma jamoalarimiz yutadi.
Hozir o‘zimning tanlagan yo‘lim bor, Xudo xohlasa, Olimpiada yo‘llanmasini qo‘lga kiritmoqchimiz. Boshqa jamoalarda ham termamiz vakillari o‘ynashmoqda. Termaga nomzodlar qancha ko‘p bo‘lsa, bundan jamoamiz yutadi, albatta. Shu bois, klublardan turli takliflar bo‘lishiga qaramay, bunga e’tibor qaratmayapman. Chunki maqsadim mutlaqo boshqa.
Fevral oyigacha futbolchilarni kuzatdim, jamoasiz yigitlarni "Olimpik" tarkibiga taklif qildik. Uch oy o‘tdi, futbolchilar ancha o‘sishdi. Superligadan ham o‘yinchilarimizga takliflar bor. Bundan xursand bo‘laman, ularning oliy divizionda to‘p tepishlaridan mamnun bo‘lishim aniq.
Uch oy mobaynida futbolchilarning fe’l-atvoridan boshlab, boshqa jihatlarigacha ancha xabardor bo‘ldim. Ularning kamchiliklarini aniqlab, bu borada ishlayapmiz, ovqatlanish jarayoni, professionallik borasida alohida ishlayapmiz. Taomnomalarni ham zarur tartiblar asosida tuzib chiqyapmiz. Rahbariyat bizga har tomonlama shart-sharoit yaratib bermoqda.
Albatta, Olimpiya termasi futbolchilarining bir tarkibda bo‘lishlari men uchun qulay bo‘lardi. Lekin ayrim o‘yinchilarning Superliga jamoalarida o‘ynashayotgani ham biz uchun foydali. Birinchi davradan keyin jamoasida o‘yin amaliyotisiz qolib ketayotganlarni yana tarkibga jalb qilishimiz mumkin.
Jamoamizga homiylik qilish istagida bo‘lganlar ko‘p. Asosiy homiy albatta, Milliy Olimpiya qo‘mitasi.
"Navbahor" gol urib, g‘alaba qozondimi, demak jamoa g‘alabaga haqli ekan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
