"Roma" bosh murabbiyi Joze Mourinyu klub matbuot xizmatiga bergan intervyusida jamoaga yaqinda kelib qo‘shilgan o‘zbekistonlik hujumchi Eldor Shomurodov haqida berilgan savolga javob berdi.
- Shomurodov jamoaga nima bera oladi deb o‘ylaysiz?
- Juda ko‘p narsa. Eldor bilan shartnoma imzolaganimizda jamoaga tezlik va harakatchanlik kerak edi. Hujumdagi tezlik va harakatchanlik. Biz Eldorning transferidan mutlaq qoniqish hosil qildik. O‘sha kunning o‘zida bu transferga ajoyib reaksiyalar bo‘ldi. Ko‘pchilik ham buni kutmagandi. Sababi, transferlar bozori juda shafqatsiz joy. Bunday ajoyib transferni amalga oshirish esa albatta ajoyib. Ushbu yigitlar bilan biz o‘z jamoamizni quramiz. To‘g‘ri, bizda dunyoning eng kuchli tarkibi yo‘q. Lekin, hech kim bizga "sizlar keyingi o‘yinni yutolmaysizlar" deya olmaydi.
Jekoning ketishi ham jamoaga yomon ta’sir o‘tkazdi. "Betis" bilan o‘yinga qadar bu jamoada o‘z aksini ko‘rsatdi. Edin boshqa klubga o‘tayotgani sabab bizda shubhalar paydo bo‘la boshladi. Yangi o‘yinchi bilan shartnoma imzolashga ulguramizmi yo‘qmi... O‘yinchilarim bu vaziyatdan xavotirda edilar. "Betis" bilan o‘yinga ikki kungina qolganida yetib kelgan Shomurodov esa o‘zini juda ajoyib ko‘rsatdi. Eldor tezda o‘zini qanday toifadagi o‘yinchi ekanligini ko‘rsatib qo‘ydi, - deydi portugaliyalik mutaxassis.
Eslatib o‘tamiz, Shomurodov "Roma" safida 2ta o‘rtoqlik o‘yinida maydonga tushib, 2ta gol va 2ta assist qayd etdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Hatto meva mumkin emas: jigar uchun zararli uch odat
Chet el valyutalarining o‘zbek so‘miga nisbatan yangi qiymati belgilandi
AQSH Rossiyani Ukrainaga qarshi kimyoviy qurol qo‘llaganlikda aybladi
Asab tolalarini mustahkamlashda muhim bo‘lgan vitaminlar
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Germaniyada rossiyalik shaxs ikki ukrainalik harbiyni pichoqladi
Timur Kapadze tarixiy natija qayd etilganidan so‘ng nimalar dedi?