Coca Cola O‘zbekiston kubogi 1/8 finalidan o‘rin olgan "Bunyodkor" va "Navbahor" jamoalari o‘rtasidagi uchrashuvdan keyingi matbuot anjumanining ikkinchi qismida "Bunyodkor" bosh murabbiyi Shuhrat Maqsudov qatnashdi.
"Bugun jangovar o‘yin ko‘rdik, futbolchilarimizga rahmat aytmoqchiman. Barcha xodimlarimizga ham minnatdorchilik bildiraman. Uch oydan buyon maosh olmayapmiz, klubdagilar ham o‘yin haqida o‘ylashyapti, ham boshqa xarajatlarni o‘ylashyapti. Homiyimiz avval jamoaga tayanch bo‘lib, katta yordam berayotgandi, endilikda klubni hokimlikka o‘tkazmoqchi bo‘lishdi, jamoa qiyin ahvolda qoldi. Bugungi o‘yin uchun yigitlarga rahmat, "Navbahor"ga esa keyingi o‘yinlarda omad tilayman.
Qaysidir jamoa kuchli futbolchilarni olib kelib, ularga suyanadi. Men esa hozirda faqat tarkibimizdagi futbolchilarga ishonch bildiraman. Bugun ayrim yoshlarga mahorat yetishmadi, biroq hozirgi avholimiz shunaqa.
Yigitlarga hisobni saqlab qolish uchun ko‘rsatma bermagandim, albatta, natija to‘g‘risida ham o‘ylaymiz. Futbolchilarga tanaffusda "Navbahor" yutqazayotgani sabab oldinga o‘tadi, shunga qaramay, eng yaxshi himoya hujum ekanligini tushundirdik. Atayin himoyaga yotib olganimiz yo‘q. Barcha jamoalar qatori biz ham raqibni o‘yindan oldin o‘rganamiz. Busiz iloji yo‘q. Jamoamizning bu yilgi seleksiya ishlari ko‘ngildagidek bo‘lmagan, shu bois, iloji boricha muxlislarni xursand qilish uchun maydonga tushib, g‘alaba qozonishga intilishni xohlaymiz", — deydi "qaldirg‘ochlar" murabbiyi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi