"Salernitana" - "Roma": Shomurodov 6,3 ballga loyiq ko‘rildi, Abraxam esa 8,5

Italiya A Seriyasi 2-turi doirasidagi "Salernitana" - "Roma" uchrashuvi o‘z nihoyasiga yetdi. Unda rimliklar 4:0 hisobida zafar quchdi.

Lorenso Pellegrini dubl qayd etgan bo‘lsa, Temmi Abraxam va Jordan Veretu bir marotabadan o‘z nomini tabloga yozdirib qo‘yishga muvaffaq bo‘ldi. Eldor Shomurodov 78-daqiqada zaxiradan o‘yinga qo‘shildi.

Statistika bilan shug‘ullanuvchi "WhoScored.com" sayti ushbu bahsda futbolchilarga qo‘yilgan ballarni e’lon qildi.
“Zamin” yangiliklarini “Telegram”da kuzatib boring