Prezident Shavkat Mirziyoyev 10 sentabr, juma kuni Tokio shahridagi yozgi Paralimpiya o‘yinlarining o‘zbekistonlik g‘olib va sovrindorlari, ularning ota-onalari va murabbiylari bilan uchrashuv o‘tkazdi. Bu haqda «Daryo» xabar bermoqda.
Davlat rahbari o‘z nutqi boshida sportchilarni ulkan g‘alabasi bilan samimiy tabrikladi.
«Hammamiz olis Tokio shahrida bo‘lib o‘tgan o‘n oltinchi paralimpiya o‘yinlarini katta hayajon va cheksiz faxr bilan kuzatib bordik. Barchangizga ma’lum, bu gal terma jamoamiz 8 ta oltin, 5 ta kumush va 6 ta bronza medalini qo‘lga kiritdi. Ana shu qimmatli 19 ta medalning 11 tasi shijoatli sportchi qizlarimiz tomonidan qo‘lga kiritilgani, tariximizda misli ko‘rilmagan voqeadir.
Mamlakatimiz terma jamoasi 160 dan ziyod davlatlar o‘rtasida o‘n oltinchi, Osiyo qit’asida hamda Mustaqil Davlatlar Hamdo‘stligida to‘rtinchi, Markaziy Osiyoda esa birinchi o‘rinni egalladi.
Yapon zaminida g‘olib o‘g‘il-qizlarimiz sharafiga har gal madhiyamiz yangrab, vatanimiz bayrog‘i baland ko‘tarilganida qalblarimiz cheksiz iftixorga to‘ldi. Bugungi quvonchli kunda sizlarning har biringiz haqida har qancha to‘lqinlanib, g‘ururlanib gapirsak, arziydi», — dedi Prezident.
Davlat rahbari g‘olib va sovrindorlarning barcha qiyinchiliklarni yengib o‘tishida beqiyos hissa qo‘shgan murabbiylari va ota-onalarga alohida tashakkur bildirdi.
«Musobaqalarda vakillarimiz erishgan yutuqlar tinimsiz jismoniy mashqlar bilan birga, kuchli ruhiy tayyorgarlik, mustahkam iroda va pok niyat samarasidir.
Albatta, hozirgi og‘ir pandemiya sharoitida Paralimpiya o‘yinlariga munosib tayyorgarlik ko‘rish, bunday katta yutuqlarga erishish oson bo‘lmadi. Musobaqaning dastlabki kunlarida Tokio shahrida 25 nafar sportchimizga nisbatan qattiq karantin talablari qo‘llangani ham, jiddiy muammolar tug‘dirdi.
O‘z yo‘nalishlarida g‘oliblikka asosiy da’vogar hisoblangan Lobar Xurramova, Sevinch Salayeva, Vasila Aliboyeva singari dzyudochi qizlarimiz shunday sabablar tufayli, bahslarda ishtirok eta olmadi. Umid qilamizki, ular keyingi safar o‘zlarining nimalarga qodir ekanini, albatta, isbotlashadi.
Shu o‘rinda, bu galgi musobaqalarda omadi kelmagan yoshlarimizga qarata aytmoqchiman: jahondagi eng kuchli sportchilar bellashgan Paralimpiya o‘yinlarida qatnashib, o‘z salohiyatingizni dunyoga namoyon etganingizni o‘zi ham, katta iftixordir», — dedi Shavkat Mirziyoyev. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
