Superliganing 19-turida “Metallurg” o‘z maydonida “Qo‘qon-1912” ga 0:1 hisobida yutqazib qo‘ydi. Uchrashuvdan keyin qo‘qonliklar bosh murabbiyi Baxtiyor Ashurmatov matbuot anjumanida qatnashdi.
- Juda muhim o‘yin edi, olti ochkolik desak ham bo‘ladi. “Metallurg” bilan turnir jadvalida qo‘shni bo‘lib turgandik. “Metallurg” Jasur Abduraimov kelganidan keyin o‘yin uslubini o‘zgartirgan. Oxirgi o‘yinlarda muvaffaqiyatsizlikka uchrab turgandi. Ammo Andijondagi g‘alaba ularga qo‘shimcha kuch berdi. Raqibning hujumkor o‘yin ko‘rsatishini bilgan holda qarshi hujum taktikasida harakat qildik.
Qo‘qonda ishlayotganimdan beri “Metallurg” juda noqulay raqib. Ularga qarshi chempionat va Kubok o‘yinlarida yutqazgandik. Yigitlarga mana shunday noqulay raqib ustidan yutishimiz zarurligini aytib, ularni ruhlantirgandik. Bugun mag‘lubiyatga uchraganimizda turnir jadvalidagi ahvolimiz havotirli bo‘lib qolardi. Futbolchilarimiz yuqori o‘rinlarga munosib. G‘alabamizga yigitlarimizning jangovar o‘yini va oxirigacha kurashgani sabab bo‘ldi. “Metallurg” kamida durangga loyiq o‘yin ko‘rsatdi. Ayniqsa, Dilshod Rahmatullayev markazga tushganidan keyin jamoaning o‘yini kuchayib ketdi. Rahbariyat va muxlislarimizni g‘alaba bilan tabriklayman.
Himoyamizda muammolar bor. Xolmuhammedov, Merzlyakov va Mamatxo‘jayevdan foydalana olmayapmiz. Hujumda esa variantlarimiz bor. O‘tgan o‘yinda gol urgan Hojimirzayev va Meliyevni asosiy tarkibda tushirdik. Ikkinchi bo‘limda o‘yinni kuchaytirishni xohlaganimiz sababli Norbekov bilan Abduhamidovni maydonga tushirdik. Bu o‘zini oqladi. Shoxnazarga yigitlar va murabbiylar nomidan minnatdorchilik bildiraman. Agar himoyani kuchaytirish kerak bo‘lsa, yana zaxiraga olinishga tayyorman deb o‘zi fikr bildirdi. O‘yin oxirida “Metallurg” markazda katta ustunlikka ega bo‘ldi. Shu bois Bekmurodovni maydonga tushirish orqali markazni kuchaytirishga harakat qildik.
Agar futbolchilarimiz o‘yin cho‘zish uchun harakat qilishgan bo‘lsa, uzr so‘ragan bo‘lardim. Bunday holatlar futbolimizga chiroy qo‘shmaydi. Lekin g‘alaba qozonayotgan jamoalar shunga majbur bo‘lishyapti. Bu holat boshqa takrorlanmaydi deb o‘ylayman. O‘tgan safar achinganimdan balki o‘yin vaqtini cho‘zish kerakmikin, deb gapirgandim. Lekin men buning tarafdori emasman. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Rossiya Kursk viloyatidagi hududlarini qaytarib olishga 50 ming harbiy to‘pladi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
