JCH—2021. Bugun 4 nafar o‘zbekistonlik bokschi jang qiladi. Shahram G‘iyosov 4 yil avvalgi mag‘lubiyat uchun revansh ololadimi?

^{Foto: AIBA}
Serbiyaning Belgrad shahrida o‘tkazilayotgan boks bo‘yicha Jahon chempionatining 29 oktabr kungi bahslarida bir qator o‘zbekistonlik bokschilar ringga ko‘tariladi.

Kun davomida to‘rt nafar O‘zbekiston vakili o‘z jangini o‘tkazadi. 2017 yilgi Jahon chempionati g‘olibi Shahram G‘iyosov dastlabki bosqichda qozog‘istonlik taniqli bokschi Aslanbek Shimbergenovga qarshi jang qiladi. Shahram bu bokschi bilan faoliyati davomida (2017 yil) bir marta to‘qnash kelgan va hakamlarning bahsli qarori sabab mag‘lubiyatga uchragandi.

-54 kg. Shahobiddin Zoirov — Tamir Galanov (Serbiya) – 16:10 dan so‘ng;
-92 kg. Madiyor Saidrahimov — Vladislav Smyaglikov (Belarus) – 15:15 dan keyin;
-60 kg. Abdumalik Halokov — Jasin Lyama (Makedoniya) – 21:25 dan keyin;
-71 kg. Shahram G‘iyosov — Aslanbek Shimbergenov (Qozog‘iston) – 23:00 dan so‘ng.

Eslatib o‘tamiz, musobaqaning dastlabki to‘rt kunida yetti nafar o‘zbekistonlik bokschi o‘z jangini o‘tkazdi. Asadxo‘ja Mo‘ydinxo‘jayev, Saidjamshid Ja’farov, Odiljon Aslonov va Lazizbek Mullajonov raqiblarini yengib, keyingi bosqichga yo‘l olgan bo‘lsa, Hasanboy Do‘stmatov, Shohjahon Abdullayev va Mirazizbek Mirzaxalilov musobaqa bilan erta xayrlashdi. “Zamin” yangiliklarini “Youtube”da kuzatib boring